நியூ கினியாவை வீழ்த்தியது வெஸ்ட் இண்டீஸ்
நியூ கினியா 2.1 ஓவரில் 7 ரன்னுக்கு 2 விக்கெட் இழந்து திணறியது.
இந்த நிலையில், வலா - செசெ பாவ் ஜோடி 3வது விக்கெட்டுக்கு 27 ரன் சேர்த்தது. வலா 21 ரன், ஹிரி ஹிரி 2 ரன்னில் பெவிலியன் திரும்பினர். நியூ கினியா 50 ரன்னுக்கு 4 விக்கெட் இழந்து மீண்டும் சரிவை சந்தித்தது. செசெ பாவ் - சார்லஸ் அமினி இணைந்து 5வது விக்கெடுக்கு 44 ரன் சேர்த்து நம்பிக்கை அளித்தனர். அமினி 12 ரன், செசெ பாவ் 50 ரன் (43 பந்து, 6 பவுண்டரி, 1 சிக்சர்), சாத் சோபர் 10 ரன் எடுத்து விக்கெட்டை பறிகொடுத்தனர். பப்புவா நியூ கினியா 20 ஓவரில் 8 விக்கெட் இழப்புக்கு 136 ரன் எடுத்தது. கிப்லின் டோரிகா 25 ரன் (17 பந்து, 3 பவுண்டரி), கபுவா மோரியா 4 ரன்னுடன் ஆட்டமிழக்காமல் இருந்தனர். வெஸ்ட் இண்டீஸ் பந்துவீச்சில் ஆந்த்ரே ரஸ்ஸல், அல்ஜாரி ஜோசப் தலா 2, அகீல் உசைன், ரொமாரியோ ஷெப்பர்ட், குடகேஷ் மோத்தி தலா 1 விக்கெட் வீழ்த்தினர். இதைத் தொடர்ந்து, 20 ஓவரில் 137 ரன் எடுத்தால் வெற்றி என்ற இலக்குடன் வெஸ்ட் இண்டீஸ் களமிறங்கியது.
