Dinakaran Cinema Button CINEMA Astrology Button ASTROLOGY  Magazines Logo VIDEOS Sun network Logo Epaper LogoEpaper Facebook
search-icon-img
Advertisement

திருவிக.நகர் மண்டலத்தில் டிட்வா புயலில் விழுந்த 3 மரம் வெட்டி அகற்றம்

பெரம்பூர்: டிட்வா புயல் காரணமாக நேற்றிரவு முதல் சென்னையிலும் பல்வேறு இடங்களில் பலத்த காற்றுடன் மழை பெய்து வருகிறது. ஒரு சில இடங்களில் கனமழை பெய்தது. நேற்றிரவு பெய்த கனமழையின் காரணமாக திருவிக.நகர் மண்டலத்துக்கு உட்பட்ட கொளத்தூர் தென்பழனி நகர் எஸ்பிஐ ஏடி எம் அருகே உள்ள வேப்பமரம் வேரோடு சாய்ந்து விழுந்தது.

இதுபற்றி தகவல் கிடைத்ததும் திருவிக.நகர் மண்டல அதிகாரி சொக்கலிங்கம்,செயற்பொறியாளர் சதீஷ்குமார், உதவி பொறியாளர் நந்தகுமார் ஆகியோர் வந்து ஜேசிபி எந்திரம் மூலம் மரத்தை வெட்டி இரவோடு இரவாக அப்புறப்படுத்தி பொதுமக்களுக்கு சிரமமின்றி ஏற்பாடு செய்தனர்.

இதுபோல், ஓட்டேரி பிரிக்ளின் ரோடு பகுதியில் விழுந்த மரம் உட்பட இரண்டு மரங்கள் உடனடியாக அகற்றப்பட்டு மக்களுக்கு சிரமின்றி ஏற்பாடு செய்தனர். இதனிடையே மரம் சாய்ந்துவிழுந்ததில் அந்த பகுதியில் நிறுத்தப்பட்டிருந்த ஒரு கார் சேதம் அடைந்துள்ளதாக தெரிகிறது.