டீன் ஏஜ் பருவத்தினருக்கு இன்ஸ்டாவில் கட்டுப்பாடு: விரைவில் அறிமுகம்

வாஷிங்டன்: இன்ஸ்டாகிராமில் டீன் ஏஜ் பருவனத்தினர் தவறான, அபாயகரமான கன்டென்டுகளை பார்ப்பதால் இன்ஸ்டாகிராமில் புதிய கட்டுப்பாட்டு வசதியை மெட்டா நிறுவனம் அறிமுகம் செய்ய இருக்கிறது.

இன்ஸ்டாகிராமில் கணக்கு வைத்துள்ள 18 வயதுக்கு உட்பட்ட பயனர்களுக்கு பிஜி-13 உள்ளடக்க தரம் கடைபிடிக்கப்பட உள்ளது. இதில், தவறான, ஆபாசமான வீடியோக்கள், போதை பொருட்கள், அபாயகரமான சண்டைக் காட்சிகள் உள்ளிட்ட கன்டென்டுகள் காட்டப்படாது. தற்போது இன்ஸ்டாவில் கணக்கு வைத்துள்ள டீன் ஏஜ் வயதினர் பலரும் பொய்யான வயதையே வழங்குவதாக கூறியிருக்கும் மெட்டா நிறுவனம் அதனை கண்டுபிடிக்க ஏஐ தொழில்நுட்பத்தை பயன்படுத்தி வருகிறது. ஆனாலும், பெற்றோர்கள் தங்கள் குழந்தைகளின் இன்ஸ்டா கணக்குகளில் சரியான வயதை குறிப்பிடுவதை உறுதி செய்யுமாறு கேட்டுக் கொண்டுள்ளது.