தமிழ்நாட்டில் கூட்டணி ஆட்சி: தமிழிசை பரபரப்பு பேட்டி

கோவை: இந்தியாவில் பிற மாநிலங்களில் தேசிய ஜனநாயக கூட்டணி ஆட்சி இருப்பது போல் தமிழ்நாட்டிலும் கூட்டணி ஆட்சி அமைப்போம் என்று தமிழிசை சவுந்திரராஜன் கூறினார்.கோவை விமான நிலையத்தில் பாஜ மூத்த தலைவர் தமிழிசை சவுந்திரராஜன் இன்று நிருபர்களிடம் கூறியதாவது: கூட்டணி ஆட்சி குறித்து டெல்லியில் உள்ள தலைவர்கள் பார்த்துக் கொள்வார்கள்.

இந்தியாவில் பிற மாநிலங்களில் தேசிய ஜனநாயக கூட்டணி ஆட்சி இருப்பது போல் தமிழ்நாட்டிலும் கூட்டணி ஆட்சி அமைப்போம். அதிமுக-பாஜ கூட்டணியில் ஒரு விரிசலும் இல்லை. டாஸ்மாக்கை கட்டுப்படுத்த திட்டம் வைத்துள்ளோம். எங்களுக்கு ஓட்டு போடுங்கள். ஆட்சிக்கு வந்த பிறகு அதை சொல்கிறோம். எங்க கூட்டணி பிரேக் ஆகாது. நான் உங்களுக்கு பிரேக்கிங் நியூஸ் தரமாட்டேன். இவ்வாறு அவர் கூறினார்.