தாம்பரம் பகுதியில் பராமரிப்பு பணி அந்தியோதயா ரயில் ஆகஸ்ட் 1 முதல் 14ம் தேதி வரை ரத்து: தெற்கு ரயில்வே அறிவிப்பு
மறுமார்க்கமாக, நாகர்கோவில் இருந்து மாலை 3.50 மணிக்கு தாம்பரம் புறப்படும், அந்தியோதயா ரயில் ஆகஸ்ட் 1ம் தேதி முதல் ஆகஸ்ட் 14ம் தேதி வரை முழுவதுமாக ரத்து செய்யப்படுகிறது. வழி மாற்றம்: சென்னை எழும்பூரிலிருந்து இரவு 11.55 மணிக்கு சேலம் செல்லும் ரயில் எண்( 22153), ஆகஸ்ட் 1ம் தேதி முதல் ஆகஸ்ட் 14ம் தேதி வரை எழும்பூரிலிருந்து புறப்படாமல், சென்னை கடற்கரையிலிருந்து புறப்பட்டு அரக்கோணம் வழியாக, செங்கல்பட்டு, விழுப்புரம்,சேலத்திற்கு புறப்படும்.
பகுதியளவு ரத்து: காரைக்குடி-எழும்பூர் இடையே அதிகாலை 5.35 மணிக்கு இயக்கப்படும் பல்லவன் சூப்பர் பாஸ்ட் ரயில், ஆகஸ்ட் 1ம் தேதி முதல் ஆகஸ்ட் 14ம் தேதி வரை காரைக்குடி-செங்கல்பட்டு இடையே வரை மட்டுமே இயக்கப்படும். எழும்பூருக்கு இயக்கப்படாது. மறுமார்க்கமாக எழும்பூர்-காரைக்குடி இடையே இயக்கப்படும் பல்லவன் சூப்பர் பாஸ்ட் ரயில், ஆகஸ்ட் 1ம் தேதி முதல் ஆகஸ்ட் 14ம் தேதி வரை, செங்கல்பட்டிலிருந்து இயக்கப்படும். எழும்பூரிலிருந்து இயக்கப்படாது.
எழும்பூர்-மதுரை இடையே, இயக்கப்படும் வைகை எக்ஸ்பிரஸ், ஆகஸ்ட் 1ம் தேதி ஆகஸ்ட் 14ம் தேதி வரை செங்கல்பட்டிலிருந்து மதியம் 2.48 மணிக்கு இயக்கப்படும். மறுமார்க்கமாக காலை 6.40 மணிக்கு மதுரையிலிருந்து-எழும்பூருக்கு புறப்படும், வைகை எக்ஸ்பிரஸ் ஆகஸ்ட் 1ம் தேதி முதல் ஆகஸ்ட் 14ம் தேதி வரை எழும்பூருக்கு பதிலாக செங்கல்பட்டு வரை மட்டுமே இயக்கப்படும். எழும்பூர்-திருச்சிராப்பள்ளி இடையே இயக்கப்படும் ராக்போர்ட் எக்ஸ்பிரஸ் ஆகஸ்ட் 1ம் தேதி முதல் ஆகஸ்ட் 14ம் தேதி வரை செங்கல்பட்டிலிருந்து நள்ளிரவு 12.40 மணிக்கு புறப்படும்,
ஐதராபாத்-தாம்பரம் இடையே சார்மினார் எக்ஸ்பிரஸ் ஆகஸ்ட் 1ம் தேதி 14ம் தேதி வரை தாம்பரத்துக்கு மாற்றாக, சென்னை கடற்கரைக்கு வந்து சேரும். மறுமார்க்கமாக தாம்பரம்-ஹைதராபாத் இடையே இயக்கப்படும் ரயில் ஆகஸ்ட் 1ம் தேதி 14ம் தேதி வரை சென்னை கடற்கரையிலிருந்து மாலை 6.20 மணிக்கு இயக்கப்படும். தாம்பரம்-செங்கோட்டை இடையே இரவு 9 மணிக்கு இயக்கப்படும் ரயில், ஆகஸ்ட் 1,4,6,8,11,13ம் தேதி வரை தாம்பரம்-விழுப்புரம் வரை ரத்து செய்யப்பட்டு, விழுப்புரத்திலிருந்து இரவு 11.15 மணிக்கு செங்கோட்டைக்கு இயக்கப்படும். மறுமார்க்கமாக, செங்கோட்டை- தாம்பரம் இடையே இயக்கப்படும் ரயில் ஆகஸ்ட் 2,5,7,9 மற்றும் 12 ஆகிய தேதிகளில் விழுப்புரம் வரை மட்டுமே இயக்கப்படும். இவ்வாறு அறிக்கையில் கூறப்பட்டுள்ளது.
