ரூ.43 லட்சம் கடிகாரம் அணிந்த சித்தராமையா, டி.கே.சிவகுமார்: பாஜக விமர்சனம்
பெங்களூரு: கர்நாடக முதல்வராக சித்தராமையாவும், துணை முதல்வராக டி.கே.சிவகுமாரும் இருந்து வருகின்றனர். இவர்கள், ரூ.43 லட்சம் மதிப்புள்ள ‘சாண்டோஸ் டி கார்டியர்’ கைக்கடிகாரங்களை அணிந்திருக்கும் புகைப்படங்கள் சமூக வலைத்தளங்களில் வைரலாயின. இதனை கர்நாடக பாஜவின் அதிகாரப்பூர்வ சமூக வலைதள பக்கங்களில் பகிர்ந்து விமர்சித்துள்ளார். அந்த பதிவில், ‘சித்தராமையாவும், டி.கே.சிவகுமாரும் தங்களை சோசலிச தலைவர்களாக சொல்லி கொள்கின்றனர்.
ஆனால் இருவரும் பெரும் பணக்காரர்கள் பயன்படுத்தும் ரூ.43 லட்சம் மதிப்புள்ள கைக்கடிகாரங்களை அணிந்துள்ளனர். சோசலிசம் என்றால் மிக உயர்ந்த விலை கொண்ட பொருட்களை பயன்படுத்துவது என்று அர்த்தமா? கர்நாடக மக்கள் வறட்சி மற்றும் மோசமான உள்கட்டமைப்புடன் பிரச்னைகளில் சிக்கி தவிக்கும்போது இந்த ‘எளிய சோசலிஸ்ட்’ தலைவர்கள் சாண்டோஸ் டி கார்டியரைக் கைக்கடிகாரங்களை அணிந்திருப்பது முரணாக இருக்கிறது’ என விமர்சித்துள்ளது.
