2023-24ம் ஆண்டில் ரூ.9,741 கோடி ரூபாய் வருமானம் ஈட்டிய இந்திய கிரிக்கெட் வாரியம்!

மும்பை: 2023-24ம் ஆண்டில் ரூ.9,741 கோடி ரூபாய் வருமானம் இந்திய கிரிக்கெட் வாரியம் ஈட்டியது. ஐபிஎல் மூலம் மட்டும் கிரிக்கெட் வாரியத்திற்கு 5,761 கோடி ரூபாய் வருமானம் ஈட்டியுள்ளது. ரூ.30 ஆயிரம் கோடி ரூபாய் முதலீடு மூலம் ஆண்டுக்கு ஆயிரம் கோடி ரூபாய் வட்டியாக கிரிக்கெட் வாரியத்திற்கு கிடைக்கிறது. சர்வதேச கிரிக்கெட் வாரியம் மூலம் இந்திய கிரிக்கெட் வாரியத்திற்கு ஆண்டுக்கு ரூ.1,000 கோடி கிடைக்கிறது.

ஐபிஎல் ஒளிபரப்பு உரிமம் மூலம் மட்டும் 361 கோடி ரூபாய் இந்திய கிரிக்கெட் வாரியத்திற்கு கிடைத்துள்ளது. ஐ.பி.எல். தொடர் ஆரம்பிக்கப்பட்டதிலிருந்தே (2007-ம் ஆண்டு) பி.சி.சி.ஐ.ன் வருமானம் அசுர வளர்ச்சி பெற்று வருகிறது. இந்திய வீரர்கள் மட்டுமின்றி, உலகின் திறமையான வீரர்களும் பங்கேற்பதால் இந்த தொடர் உலக அளவில் 'நம்பர் 1 டி20 லீக்' ஆக கருதப்படுகிறது.

இதனால் இந்த தொடருக்கு நாளுக்கு நாள் ரசிகர்கள் மட்டுமின்றி வருமானமும் தொடர்ந்து அதிகரித்து வருகிறது. அத்துடன் ஐ.பி.எல். தொடர் அல்லாமல் இந்தியாவில் நடைபெற்ற சர்வதேச தொடர்களுக்கான ஒளிபரப்பு உரிமைகள் மூலம் பி.சி.சி.ஐ.க்கு ரூ.361 கோடி வருமானம் கிடைத்துள்ளதாகவும் தகவல் வெளியாகியுள்ளது. இந்திய கிரிக்கெட் வாரியத்திற்கு (BCCI) கிடைக்கும் வருமானத்தை கண்டு ரசிகர்கள் பிரமித்துள்ளனர்.