ரயில்வேயில் 1149 அப்ரன்டிஸ்கள்

பயிற்சி: டிரேடு அப்ரன்டிஸ். மொத்த காலியிடங்கள்: 1149. வயது: 25.10.2025 தேதியின்படி 15 முதல் 24க்குள்.

தகுதி: 10ம் வகுப்பு தேர்ச்சியுடன் பயிற்சியளிக்கப்படும் டிரேடுகளில் ஏதாவது ஒன்றில் ஐடிஐ படிப்பை முடித்திருக்க வேண்டும். 10ம் வகுப்பு மற்றும் ஐடிஐ படிப்புகளில் 50% மதிப்பெண்களுடன் தேர்ச்சி பெற்றிருக்க வேண்டும். என்சிவிடி சான்றிதழ் வைத்திருக்க வேண்டும்.

பயிற்சி வழங்கப்படும் டிரேடுகள்: எலக்ட்ரீசியன்/பிட்டர்/பிளம்பர்/பெயின்டர்/வெல்டர் (கேஸ் மற்றும் எலக்ட்ரிக்)/டீசல் மெக்கானிக்/மிஷினிஸ்ட்/டர்னர்/கார்பென்டர்/ ஏசி மற்றும் ரெப்ரிஜிரேஷன் மெக்கானிக்/போர்ஜர் மற்றும் ஹீட் டிரிட்டர்/எலக்ட்ரானிக் மெக்கானிக்/பிளாக்ஸ்மித்

கட்டணம்: ரூ.100/-. இதை ஆன்லைனில் செலுத்த வேண்டும். எஸ்சி/எஸ்டி/மாற்றுத்திறனாளிகள்மற்றும் பெண்களுக்கு கட்டணம் கிடையாது.

ஐடிஐ படிப்பில் பெற்றுள்ள மதிப்பெண்கள் அடிப்படையில் விண்ணப்பதாரர்கள் பயிற்சிக்கு தேர்ந்தெடுக்கப்படுவர். அவர்களுக்கு ஒரு வருடம் பயிற்சியளிக்கப்படும். பயிற்சியின் போது ரயில்வே விதிமுறைப்படி உதவித் தொகை வழங்கப்படும்.இடஒதுக்கீட்டு பிரிவினருக்கு ரயில்வே விதிமுறைப்படி வயது வரம்பு தளர்வு அளிக்கப்படும். கூடுதல் கல்வித்தகுதி பெற்றவர்கள், ஏற்கனவே பயிற்சி பெற்றவர்கள், பணி அனுபவம் உள்ளவர்கள் விண்ணப்பிக்க வேண்டாம்.www.ecr.indianrailways.gov.in என்ற இணையதளம் மூலம் ஆன்லைனில் விண்ணப்பிக்க வேண்டும்.

விண்ணப்பிக்க கடைசி நாள்: 25.10.2025.