முறுக்கு மீதமாகி விட்டதா? கவலை வேண்டாம்!

தீபாவளிக்குப் பிறகு எது இருக்கிறதோ இல்லையோ, முறுக்கு வீடுகளில் நிறைய இருக்கும். ரசம் + முறுக்கு, சாம்பார் சாதம் + முறுக்கு, புளிக்குழம்பு + முறுக்கு என முறுக்குக்கு எண்டே இல்லாமல் போகும். அதற்குதான் மீதமான முறுக்கை (Murukku) கொண்டு வெறும் ஸ்நாக் ஆக சாப்பிடாமல், சில புதுமையான ரெசிபிகள் செய்து பார்க்கலாம்.

1. முறுக்கு மசாலா மிக்ஸ்

* முறுக்கை சிறிது நொறுக்கி ஒரு கிண்ணத்தில் போடுங்கள்.

*அதில் நெய்யில் வறுத்த காஜு, வேர்க்கடலை, கறிவேப்பிலை, மிளகாய்த்தூள், உப்பு சேர்த்து கலக்கவும்.

*ஸ்பைசி டீ டைம் மிக்ஸ் ரெடி!

2. முறுக்கு சாட்

*முறுக்கை சிறிய துண்டுகளாக நொறுக்கவும்.

*அதில் வெங்காயம், தக்காளி, கொத்தமல்லி, எலுமிச்சை சாறு, சாட் மசாலா சேர்த்து கலக்கவும்.

*மேலே தயிர், சிறிது புளிச்சாறு ஊற்றி பரிமாறவும்.

*முறுக்கு பேல் பூரி ஸ்டைல் சாட் தயார்!

3. முறுக்கு கட்லெட்

*நொறுக்கிய முறுக்குடன் மசித்த உருளைக்கிழங்கு, மிளகாய்தூள், உப்பு, கொத்தமல்லி சேர்த்து பந்து போல் உருட்டவும்.

*கோதுமை மாவில் மூழ்க வைத்து பொன்னிறமாக வறுக்கவும்.

*முறுக்கின் மொறு மொறு டெக்ஸ்சர் கட்லெட்டில் க்ரஞ்ச் கொடுக்கும்!

4. முறுக்கு காரக் குழம்பு

*முறுக்கை சிறிய துண்டுகளாக உடைத்து, மோர் குழம்பு அல்லது கார சாம்பாரில் போட்டு வேக விடவும்.

*அது முறுக்கை மெலிதாகவும், சுவையாகவும் மாற்றும்.

* இது குழம்பை மேற்கொண்டு சுவையாக மாற்றும்.

5. முறுக்கு பௌல் (Murukku Bowl)

*முறுக்கை மைக்ரோவேவில் சில நிமிடம் சூடாக்கி, ஒரு பௌலில் வைத்துக்கொள்ளவும்

*அதன் உள்ளே பாசிப்பருப்பு சாலட் அல்லது சுண்டல் நிரப்பவும்.

*இது பார்க்கவும் சாப்பிடவும் சிறந்த உணவு!

6. சாக்லேட் முறுக்கு க்ரஞ்ச்

* உருக்கிய டார்க் சாக்லேட்டில் நொறுக்கிய முறுக்கை கலந்து சிறிய உருண்டைகளாக போட்டு உறையவைக்கவும்.

*இது கேட்க சற்றே வித்தியாசமாக இருந்தாலும் மொறுமொறு சாக்லேட் க்ரஞ்ச் ஸ்னாக்ஸ் ஆக பரிமாறலாம்.

7. முறுக்கு உப்புமா

* சாதாரண உப்புமா போல சமைக்கும் போது ரவை சேர்க்காமல், நொறுக்கிய முறுக்கை சேர்த்து கிளறவும்.

* மிளகாய், வெங்காயம், கறிவேப்பிலை சேர்த்து மசாலா உப்புமா போல செய்யலாம்.

* உப்புமா என்றாலே சிதறி ஓடும் வீட்டார் இதை விரும்பி சாப்பிடுவர்!

- கவின்