நடுக்கடலில் படகில் உல்லாசம்: அரை நிர்வாண பாடகியுடன் கனடா மாஜி பிரதமர் ஜாலி

டொரண்டோ: கனடாவில் கடந்த 2015 முதல் 2025 மார்ச் 14 வரை பிரதமர் பதவியில் இருந்தவர் ஜஸ்டின் ட்ருடோ. 53 வயதான இவருக்கு சோபி என்ற மனைவி உள்ளார். 2023 ஆம் ஆண்டில், ட்ரூடோ தனது மனைவி சோபியை பிரிந்தார். இதனால் அவர்களின் 18 வருட திருமண வாழ்க்கை முடிவுக்கு வந்தது. அவர்களுக்கு இரண்டு மகன்களும், ஒரு மகளும் உள்ளனர். அதை தொடர்ந்து கடந்த மார்ச் 14 ஆம் தேதி பல அரசியல் நெருக்கடிக்கு மத்தியில் அவர் கனடா பிரதமர் பதவியை ராஜினாமா செய்தார். தற்போது அவர் பாப் பாடகி கேத்தி பெர்ரியுடன் நெருக்கமாக இருக்கும் படங்கள் இணைய தளத்தில் வைராகி வருகிறது.

நடிகர் ஆர்லேண்டோ புளூம் காதலியாக கருதப்பட்ட பாப் பாடகி கேத்தி பெர்ரியை நடுக்கடலில் படகின் மேல் தளத்தில் வைத்து ஜஸ்டின் ட்ரூடோ அரை நிர்வாண கோலத்தில் கட்டியணைத்து முத்தமிடும் காட்சிகள் தான் தற்போது பரபரப்பை ஏற்படுத்தி உள்ளன. அமெரிக்காவின் கலிபோர்னியா மாகாணத்தில் சான்டா பார்பரா கடற்கரையில் இருவரும் ஒன்றாக படகில் சவாரி செய்தபடி அதன் உச்சிக்கு சென்றனர். கேத்தி பெர்ரி கருப்பு நிற பிகினி உடையும், ஜஸ்டின் ட்ருடோ வெறும் ஜட்டியுடன் காணப்படுகிறார். இருவரும் கட்டியணைத்த நிலையில் முத்தமிட்ட படி உள்ளனர்.

இதற்கு முன்பு மான்ட்ரீல் நகரில் அவர்கள் ஒன்றாக காணப்பட்டனர். ஜஸ்டின் ட்ருடோ தனது குடும்பத்தை விட்டு வெளியேறி, அமெரிக்காவில் அதிக நேரம் செலவிட்டு வருகிறார். உடன் பாப் பாடகி கேத்தி பெர்ரியும் உள்ளதாக கூறப்படுகிறது. இருவரும் கலிபோர்னியாவில் டேட்டிங் செய்வதாகவும் தகவல்கள் வெளியாகி உள்ளன. கேத்தி பெர்ரிக்கு பைரேட்ஸ் ஆப் தி கரீபியன் நட்சத்திரம் நடிகர் ஆர்லாண்டோ ப்ளூமுடன் திருமணம் நடந்ததில் ஐந்து வயது மகள் உள்ளார். அவர்களும் விவகாரத்து பெற்றுள்ளனர்.