மேட்டூர் அணைக்கு நீர்வரத்து 30,800 கன அடியாக உயர்வு!!

சேலம்: மேட்டூர் அணைக்கு நீர்வரத்து 23,300 கனஅடியில் இருந்து 30,800 கனஅடியாக அதிகரித்துள்ளது. மேட்டூர் அணையின் நீர்மட்டம் 120 அடியாகவும் நீர் இருப்பு 93.47 டிஎம்சியாகவும் உள்ளது. மேட்டூர் அணையில் இருந்து மொத்தமாக 30,800 கனஅடி நீர் வெளியேற்றப்படுகிறது. டெல்டா பாசனத்துக்காக 22,500 கனஅடி நீரும், 16 கண் மதகு வழியாக 7,500 கனஅடி நீரும், மேட்டூர் அணையில் இருந்து கிழக்கு மேற்கு கால்வாய் வழியாக 800 கனஅடி நீரும் வெளியேற்றப்பட்டு வருகிறது.