Dinakaran Cinema Button CINEMA Astrology Button ASTROLOGY  Magazines Logo VIDEOS Sun network Logo Epaper LogoEpaper Facebook
search-icon-img
Advertisement

மொரிடேனியா நாட்டின் ஹிஜிரட் நகர் அருகே அகதிகளின் படகு கடலில் கவிழ்ந்து விபத்து 69 பேர் பலி..!!

நாவ்ஷொட்:மொரிடேனியா நாட்டின் ஹிஜிரட் நகர் அருகே அகதிகளின் படகு கடலில் கவிழ்ந்து விபத்து 69 பேர் உயிரிழந்துள்ளனர். ஆப்ரிக்கா, எகிப்து, பாகிஸ்தான், ஆப்கானிஸ்தான், ஈராம், சிரியா உள்பட பல்வேறு நாடுகளை சேர்ந்த ஆயிரக்கணக்கானோர், பொருளாதாரம் மற்றும் வாழ்வாதாரத்தை தேடி அகதிகளாக கடல் வழியாக சட்டவிரோதமாக ஐரோப்பிய நாடுகளுக்குள் நுழைந்து வருகின்றனர். இவர்கள் மேற்கொள்ளும் பயணம் சில நேரங்களில் ஆபத்தும் நிகழ்கிறது.

இந்நிலையில், மேற்கு ஆப்பிரிக்காவில் உள்ள காம்பியா, செனமல் நாடுகளை சேர்ந்த 150க்கும் மேற்பட்டோர் ஐரோப்பிய நாடுகளுக்குள் சட்டவிரோதமாக நுழைய மத்திய தரைக்கடல் வழியாக படகில் பயணம் செய்தனர். மொரிடேனியா நாட்டின் ஹிஜிரட் நகர் அருகே கடல் பகுதியில் சென்றபோது திடீரென அகதிகளின் படகு கடலில் கவிழ்ந்தது. அனைவரும் தண்ணீரில் மூழ்கி தத்தளித்தனர். தகவலறிந்து மொரிடேனியா கடற்படையினர் விரைந்து சென்று உயிருக்கு போராடிய 17 பேரை மீட்டனர். ஆனாலும், இந்த விபத்தில் 69 பேர் கடலில் மூழ்கி உயிரிழந்தனர். மேலும் பலர் மாயமாகினர். அவர்களை தேடும் பணியில் மீட்பு குழுவினர் ஈடுபட்டு வருகின்றனர்.