ஜூனியர் உலக கோப்பை ஹாக்கி; காலிறுதியில் பெல்ஜியத்துடன் மோதல்: வெற்றியை தொடருமா இந்தியா?

சென்னை: 14வது ஜூனியர் உலகக் கோப்பை ஹாக்கி தொடர் சென்னை மற்​றும் மதுரை​யில் நடை​பெற்று வருகிறது. இந்​தத் தொடரில் மொத்தம் 24 அணி​கள் பங்கேற்று விளையாடி வருகிறது. லீக் சுற்று முடிவடைந்​துள்ள நிலை​யில் ‘ஏ’ பிரி​வில் இருந்து ஜெர்​மனி அணியும், ‘பி’ பிரி​வில் இருந்து இந்​தி​யாவும், ‘சி’ பிரி​வில் இருந்து அர்​ஜெண்​டி​னாவும், ‘டி’ பிரி​வில் ஸ்பெ​யின் அணியும், ‘இ’ பிரி​வில் நெதர்​லாந்​து அணியும் மற்றும் ‘எப்’ பிரி​வில் பிரான்ஸ் ஆகிய அணி​கள் முதலிடம் பிடித்து கால் இறுதி சுற்​றுக்கு முன்​னேறின.

இந்த 6 அணிக​ளை தொடர்ந்து, 2வது இடம் பிடித்த பெல்​ஜி​யம் மற்றும் நியூசிலாந்​து அணி கால் இறுத சுற்​றில் கால்​ப​தித்​துள்​ளன. கால் இறுதி போட்டிகள் சென்னை எழும்​பூரில் உள்ள மேயர் ராதாகிருஷ்ணன் ஹாக்கி மைதானத்தில் இன்று நடக்கிறது. பிற்​பகல் 12.30 மணிக்கு நடக்கும் காலிறுதி போட்டியில் ஸ்பெ​யின் - நியூசிலாந்து அணி​களும், மதியம் 3 மணிக்கு நடக்கும் போட்டியில் ஜெர்மனி - பிரான்ஸ் அணிகளும், மாலை 5.30 மணிக்கு தொடங்கும் போட்

டியில் அர்​ஜென்​டினா -

நெதர்​லாந்து அணி​களும் மோதுகின்றன. இதை தொடர்ந்து இரவு 8 மணிக்கு நடக்கும் காலிறுதியில் ரோஹித் தலைமையி​லான இந்​திய அணி, பலம் வாய்ந்த பெல்​ஜி​யத்​தை எதிர்கொள்கிறது. பெல்ஜியம் அணியை பொறுத்த வரை லீக் போட்டிகளில் அந்த அணி நமிபீயாவை(12-1), எகிப்தை(10-0) என்ற கணக்கில் துவம்சம் செய்தது. ஸ்பெயினிடம் மட்டும் (2-0) என்ற கணக்கில் தோற்று டி பிரிவில் 2வது இடம் பிடித்தது. இதனால் இன்று இந்தியாவுக்கு கடும் சவால் காத்திருக்கும் என எதிர்பார்க்கப்படுகிறது. மதுரை சர்வதேச ஹாக்கி மைதானத்தில் நேற்று நடைபெற்ற வங்கதேசம் மற்றும் ஓமன் இடையிலான போட்டியில் 13-0 என்ற கணக்கில் ஓமனை பந்தாடியது வங்கதேசம்.