ஜி.எஸ்.டி. குறைப்பை அடுத்து கார்களின் விலையை குறைத்தது ஹூண்டாய் நிறுவனம்..!!

டெல்லி: ஜி.எஸ்.டி.குறைப்பை அடுத்து கார்களின் விலையை ஹூண்டாய் நிறுவனம் குறைத்துள்ளது. ஜி.எஸ்.டி. மறுசீரமைப்பை தொடர்ந்து கார்களின் விலை வரும் 22ம் தேதி முதல் குறைகின்ற நிலையில் எந்த கார் எவ்வளவு விலை குறைகிறது என்ற பட்டியலை ஹூண்டாய் நிறுவனம் வெளியிட்டுள்ளது. அதன்படி அதிகபட்சமாக லட்சத்து 40 ஆயிரம் ரூபாய் வரை விலை குறையும் ஏன் தெரிவிக்கப்பட்டுள்ளது.

டெல்லியில் அண்மையில் நடைபெற்ற ஜி.எஸ்.டின் கவுன்சில் கூட்டத்துக்கு பிறகு கார்களுக்கான வரி 18 சதவீதமாக குறைக்கப்பட்டுள்ளது. பெரிய வகை கார்களுக்கான ஜி.எஸ்.டி 40 சதவீதமாக மாற்றி அமைக்கப்பட்டது. வரி குறைப்பு வரும் 22ம் தேதி அமலுக்கு வரும் நிலையில் தங்கள் நிறுவன கார்கள் எவ்வளவு விலை குறையும் என்று ஹூண்டாய் பட்டியல் வெளியிட்டது. அதில்,

கிராண்ட் ஐ10 நியாஸ் -ரூ.73,808, ஐ20 விலை ரூ.98,053, ஐ20 என் லைன் விலை ரூ.1,08,116, ஆரா காரின் விலை ரூ.78,465, வெர்னா விலை ரூ.60,640, எக்ஸ்டர் ரூ.89,209, வென்யூ-ரூ.1,23,659 வென்யூ என் லைன் ரூ.1,19,390, கிரெடா - ரூ.72,145, கிரெடா என் லைன் விலை ரூ.71,762 குறைக்கப்பட்டுள்ளது. டஸ்கன் கார் ரூ.2,40,303 விலை குறையும் என்று ஹூண்டாய் தெரிவித்துள்ளது.