லண்டன்: இந்தியாவுக்கு எதிரான கடைசி டெஸ்டில் ஆடும் இங்கிலாந்து அணி வீரர்கள் பற்றிய அறிவிப்பு வெளியாகி உள்ளது. இங்கிலாந்து-இந்தியா இடையே நடப்புத் தொடரில் 4 டெஸ்ட் போட்டிகள் முடிந்துள்ளன. அதன் மூலம் இங்கிலாந்து 2-1 என்ற கணக்கில் முன்னிலையில் உள்ளது. நேற்று முன்தினம் முடிந்த 4வது டெஸ்ட் டிராவில் முடிந்துள்ளது. அதையடுத்து, எஞ்சியுள்ள கடைசி மற்றும் 5வது டெஸ்ட் லண்டனில் உள்ள கென்னிங்டன் அரங்கில் நாளை மறுதினம் தொடங்க உள்ளது. இங்கிலாந்து தொடருக்கான இந்திய அணி மாற்றமின்றி தொடர, இங்கிலாந்துக்கான அணி ஒவ்வொரு டெஸ்ட் ஆட்டத்துக்கு முன்னதாக அறிவிக்கப்படுகிறது.
அதன்படி 5வது டெஸ்ட் ஆட்டத்துக்கான அணி நேற்று அறிவிக்கப்பட்டது. பென் ஸ்டோக்ஸ் தலைமையிலான 14 பேர் கொண்ட அணியில் புதிதாக பந்து வீச, ஆல் ரவுண்டரான ஜேமி ஓவர்டன் (31) சேர்க்கப்பட்டுள்ளார். இதுவரை ஒரே ஒரு டெஸ்ட் ஆட்டத்தில் மட்டும் இவர் விளையாடி இருக்கிறார். நியூசிலாந்துக்கு எதிராக 2022 ஜூலையில் விளையாடியதுதான் அந்த டெஸ்ட் ஆட்டம். தற்போது கணுக்கால் காயத்தால் அவதிப்படும் கேப்டன் பென் ஸ்டோக்ஸ் அல்லது ஆல்ரவுண்டர் கிறிஸ் வோக்சுக்கு பதிலாக, ஓவர்டன் பந்துகள் வீசும் வாய்ப்பு உள்ளது.
இங்கிலாந்து 5வது டெஸ்ட் அணி
பென் ஸ்டோக்ஸ் (கேப்டன்), ஜோப்ரா ஆர்ச்சர், கஸ் அட்கின்சன், ஜேகப் பெதேல், ஹாரி புரூக், பிரெய்டன் கார்ஸ், ஜாக் கிராவ்லி, லியம் டாவ்சன், பென் டக்கெட், ஜேமி ஓவர்டன், ஒல்லி போப், ஜோ ரூட், ஜேமி ஸ்மித், ஜோஷ் டங், கிறிஸ் வோக்ஸ்.