இன்னும் ஒரு தேர்தலை கூட சந்திக்கவில்லை பாஜவை விமர்சிப்பதை விஜய் மாற்றிக்கொள்ள வேண்டும்: நயினார் எச்சரிக்கை

புதுக்கோட்டை: புதுக்கோட்டையில் பாஜ மாநில தலைவர் நயினார் நாகேந்திரன் நேற்று நிருபர்களுக்கு அளித்த பேட்டி: இன்னும் ஒரு சட்டமன்ற தேர்தல் கூட விஜய் சந்திக்கவில்லை. இருப்பினும் பாஜவை விமர்சித்து பேசும் நிலை குறித்து அவர்தான் மாற்றிக்கொள்ள வேண்டும். பாஜ ஒரு குடும்ப கட்சி கிடையாது. எனக்கு பதவி காலம் மூன்று ஆண்டு காலம் தான். அதற்குள்ளாகவே வேறு தலைவர் மாற்றப்படலாம். தேர்தலில் எது வேண்டுமானாலும் நடக்கலாம்.

அதிமுக பொதுச்செயலாளர் எடப்பாடி பழனிச்சாமி தலைமையில் இயங்கி வருகிறது, அதிமுக உடையவில்லை. அதிலிருந்து செங்கோட்டையன் மட்டும் வெளியே போய்விட்டார். பாஜ கூட்டணியோடு டிடிவி தினகரன் மற்றும் ஓபிஎஸ் ஆகியோர் அவர்களாக விலகி போய்விட்டனர். நாங்கள் விலக்கவில்லை. இருவரையும் கூட்டணிக்குள் கொண்டு வருவது குறித்து காலம்தான் முடிவு செய்ய வேண்டும். இவ்வாறு அவர் கூறினார்.