முட்டை விலை ரூ.5 ஆக குறைந்தது

நாமக்கல்: நாமக்கல் மண்டலத்தில் கடந்த இரு தினங்களுக்கு முன்பு, முட்டை விலையில் 20 காசுகள் குறைக்கப்பட்டது. இந்நிலையில், என்இசிசி மண்டல தலைவர் சிங்கராஜ், நேற்று முட்டை விலையில் மேலும் 15 காசுகள் குறைத்துள்ளார். இதையடுத்து, ஒரு முட்டையின் பண்ணை கொள்முதல் விலை 500 காசுகளாக நிர்ணயம் செய்யப்பட்டுள்ளது. மற்ற மண்டலங்களில் முட்டை விலை குறைந்துள்ளதால், அதை பின்பற்றி நாமக்கல மண்டலத்திலும் முட்டை விலை குறைக்கப்பட்டு வருவதாக பண்ணையாளர்கள் தெரிவித்தனர்.