டுகாட்டி பெனிக்லே வி2

டுகாட்டி நிறுவனம், பெனிக்லே வி2 மோட்டார் சைக்கிளை அறிமுகம் செய்துள்ளது.இந்த மோட்டார் சைக்கிள் முதன் முதலாக கடந்த ஆண்டு நடந்த மிலன் மோட்டார் சைக்கிள் கண்காட்சில் காட்சிப்படுத்தப்பட்டிருந்தது. இதில் 890 சிசி இன்ஜின் இடம் பெற்றுள்ளது. இது அதிகபட்சமாக 10,750 ஆர்பிஎம்-ல் 120 எச்பி பவரையும், 8,250 ஆர்பிஎம்-ல் 93.3 என்எம் டார்க்கையும் வெளிப்படுத்தும். 6 ஸ்பீடு கியர் பாக்ஸ் உள்ளது.

முன்புறம் டெலஸ்கோப்பிக் சஸ்பென்ஷன், பின்புறம் கயாபா மோனோ ஷாக் அப்சர்வர்கள், டிஸ்க் பிரேக், டூயல் சேனல் ஏபிஎஸ், 5 அங்குல டிஎப்டி டிஸ்பிளே இடம் பெற்றுள்ளன. துவக்க ஷோரூம் விலை சுமார் ரூ.19.12 லட்சம். டாப் வேரியண்ட் சுமார் ரூ.21.1 லட்சம்.