திராவிட மாடல் அரசின் சார்பில் செக்கிழுத்த செம்மல் வ.உ.சிதம்பரனாரின் நினைவு நாளை வணங்கி போற்றுகிறேன்: முதல்வர் மு.க.ஸ்டாலின் பதிவு

சென்னை: திராவிட மாடல் அரசின் சார்பில், செக்கிழுத்த செம்மல் வ.உ.சி நினைவு நாளை வணங்கி போற்றுகிறேன் என முதல்வர் மு.க.ஸ்டாலின் சமூக வலைதளத்தில் பதிவிட்டுள்ளார்.

இதுகுறித்து அவர் பதிவிட்டிருப்பதாவது:

திராவிட மாடல் அரசும் வ.உ.சிதம்பரனாரும்...

* கப்பலோட்டிய தமிழரின் 150வது பிறந்தநாள் பெருவிழாவாக கொண்டாடப்பட்டது.

* வ.உ.சி. பெயரில் 5 லட்சம் ரூபாய் பரிசுத்தொகையுடன் சிறப்பு விருது அறிவிப்பு.

* கிண்டி காந்தி மண்டப வளாகத்தில் வ.உ.சி. சிலை திறப்பு மற்றும் அவர் சிறையில் இழுத்த செக்கு பொலிவூட்டப்பட்டது.

* கோவை வ.உ.சி. பூங்காவில் சிலை திறப்பு.

* வ.உ.சி.யின் 150வது ஆண்டில் நெல்லை, தூத்துக்குடியில் உருவாகும் அனைத்துக் கட்டிடங்களுக்கும் அவரது பெயர் சூட்டல்.

* வ.உ.சி.யின் 85வது நினைவு நாள் ‘தியாகத் திருநாள்’.

* தூத்துக்குடி மேற்கு பெரிய காட்டன் சாலை வ.உ.சி. சாலை எனப் பெயர் மாற்றம்.

* வ.உ.சி. வாழ்க்கை வரலாறை விளக்கும் நகரும் புகைப்படக் கண்காட்சி.

* வ.உ.சி. பன்னூல் திரட்டு, வ.உ.சி. திருக்குறள் உரை, வ.உ.சி. 150 சிறப்பு மலர் மற்றும் மடிப்பேடு வெளியீடு.

* வ.உ.சி. எழுதிய நூல்கள், கையெழுத்து பிரதிகள் மின்னுருவாக்கம் செய்யப்பட்டு சிறப்பு இணையப் பக்கம் உருவாக்கம்.

* 1908 திருநெல்வேலி எழுச்சிக்கு நினைவுச் சின்னம் அறிவிப்பு. - என தம் உயிரையும் உணர்வையும் தமிழுக்காகவும் இந்திய விடுதலைக்காகவும் அளித்த தியாக திருவுருவான வ.உ.சி.யின் பெருமையை அனைத்து வகையிலும் போற்றி வரும் நமது திராவிட மாடல் அரசின் சார்பில் செக்கிழுத்த செம்மல் வ.உ.சி. நினைவுநாளில் அவரை வணங்கிப் போற்றுகிறேன் ; வாழ்க வ.உ.சி. இவ்வாறு அவர் பதிவிட்டுள்ளார்.