ஆயுத பூஜை, தீபாவளி: சிறப்பு ரயில்கள் அறிவிப்பு: நாளை முன்பதிவு தொடக்கம்

சென்னை: ஆயுத பூஜை மற்றும் தீபாவளியை ஒட்டி சென்னையில் இருந்து தென் மாவட்டங்களுக்கு சிறப்பு ரயில்கள் அறிவிக்கப்பட்டுள்ளது. தீபாவளி பண்​டிகைக்​காக சென்​னை​யில் இருந்து புறப்​படும் விரைவு ரயில்​களில் டிக்​கெட் முன்​ப​திவு ஏற்​கெனவே முடிந்​து​விட்​டது. முக்​கிய ரயில்​களில் காத்​திருப்​போர் எண்​ணிக்கை 1,000 வரை பதி​வாகி​யுள்​ளது. எந்​தெந்த ரயில்​களுக்கு தேவை அதி​க​மாக உள்​ளது என்று ஆய்வு செய்​து, அதற்​கேற்ப சிறப்பு ரயில்​கள் இயக்கப்படுகிறது. அந்த வகையில்; நாகர்கோவிலில் செப்.28, அக்5, 12, 19, 26ல் இரவு 11.15க்கு புறப்படும் ரயில் மறுநாள் பகல் 12.30க்கு தாம்பரம் வரும். தாம்பரத்தில் செப்.29, அக்6, 13, 20, 27-ல் பிற்பகல் 8.30க்கு புறப்பட்டு காலை 5.15க்கு நாகர்கோவில் வரும்.

சென்ட்ரலில் செப்.25, அக்2, 9, 16, 23ல் இரவு 11.50க்குபுறப்படும் ரயில் மறுநாள் காலை 8.30க்கு போத்தனூர் சேரும். மறுமார்க்கம் போத்தனூரில் செப்.26, அக்3, 10, 17, 24-ல் மாலை 6.30க்கு புறப்பட்டு காலை 3.15க்கு சென்ட்ரல் வரும். சென்னை சென்ட்ரலில் செப்.24, அக்1, 8, 15, 22ல் பிற்பகல் 3.10க்கு புறப்பட்டு காலை 6.30க்கு செங்கோட்டை செல்லும். மறுமார்க்கம் செங்கோட்டையில் செப்.25, அக்2, 09, 16, 23-ல் இரவு 9க்கு புறப்பட்டு காலை 11.30க்கு சென்ட்ரல் வரும். நெல்லை சென்னை எழும்பூர் இடையே செப்.25, அக். 2, 9, 16, 23ல் இரவு 9.30க்கு சிறப்பு ரயில் இயக்கம். சென்னை எழும்பூர் - நெல்லை இடையே செப்.26, அக். 3,18, 17, 24-ல் நண்பகல் 12.30க்கு சிறப்பு ரயில் இயக்கம்.

தூத்துக்குடியில் இருந்து செப்.29, அக்.6, 13, 20, 27ல் இரவு 11.15க்கு புறப்படும் ரயில் காலை 10.45க்கு எழும்பூர் வரும். மறுமார்க்கம் எழும்பூரில் இருந்து செப்.30, அக்.7, 14, 21, 28-ல் பகல் 12.30 மணிக்கு புறப்பட்டு, இரவு 11.15க்கு சேரும். பண்டிகை கால சிறப்பு ரயில்களுக்கான முன்பதிவு நாளை தொடங்கும் என தெற்கு ரயில்வே அறிவித்துள்ளது. நாளை காலை 8.00 மணி முதல் சிறப்பு ரயில்களுக்கு பயணிகள் முன்பதிவு செய்யலாம் என்று தெரிவித்துள்ளது.