பட்டயம், தொழிற்பயிற்சி பதவிக்கான தேர்வு டிஎன்பிஎஸ்சி ஹால் டிக்கெட் வெளியீடு

சென்னை: ஒருங்கிணைந்த தொழில்நுட்ப பணிகளில் அடங்கிய பட்டயம், தொழிற்பயிற்சி பதவி தேர்வுக்கான ஹால்டிக்கெட் டிஎன்பிஎஸ்சி இணையதளத்தில் வெளியிடப்பட்டுள்ளது. தமிழ்நாடு அரசுப்பணியாளர் தேர்வாணையம் (டிஎன்பிஎஸ்சி) ஒருங்கிணைந்த தொழில்நுட்ப பணிகளில் அடங்கிய (பட்டயம், தொழிற்பயிற்சி நிலை) உள்ள பதவிகளுக்கான காலிப் பணியிடங்களில் நேரடி நியமனம் செய்வதற்கான ஒளிக்குறி உணரி மற்றும் கணினி வழித் தேர்வை வருகிற 9ம் தேதி முற்பகல் மற்றும் பிற்பகல், 11ம் தேதி பிற்பகல் மற்றும் 12ம் தேதி முற்பகல்-பிற்பகல் முதல் 16ம் தேதி முற்பகல், பிற்பகல் வரை நடைபெற உள்ளது.

தேர்வு எழுத அனுமதிக்கப்பட்ட விண்ணப்பதாரர்களின் ஹால் டிக்கெட் இணையதளத்தில் www.tnpsc.gov.in, www.tnpscexams.in பதிவேற்றம் செய்யப்பட்டுள்ளது. விண்ணப்பதாரர்கள் தங்களுடைய ஒருமுறை பதிவேற்றம் மூலமாக விண்ணப்ப எண், பிறந்த தேதி ஆகியவற்றை உள்ளீடு செய்து தேர்வுக் கூட அனுமதிச் சீட்டினை பதிவிறக்கம் செய்து கொள்ளலாம். இத்தகவல் டிஎன்பிஎஸ்சி தேர்வு கட்டுப்பாட்டு அலுவலர் ஜான் லூயிஸ் தெரிவித்துள்ளார்.