கிரிக்கெட்டின் தனித்துவமிக்க அரிய வீரர் எம்.எஸ்.தோனி: முதல்வர் மு.க.ஸ்டாலின் பிறந்த நாள் வாழ்த்து

சென்னை: பிறந்த நாள் காணும் எம்.எஸ்.தோனி, கிரிக்கெட்டின் தனித்துவமிக்க அரிய வீரர் என்று முதல்வர் மு.க.ஸ்டாலின் வாழ்த்து தெரிவித்து பாராட்டியுள்ளார். தமிழக முதல்வர் மு.க.ஸ்டாலின் நேற்று வெளியிட்டுள்ள அறிக்கையில் கூறியிருப்பதாவது: அழுத்தமான சூழ்நிலையையும் தனது ஒவ்வொரு நகர்வின் மூலம் கவிதையாய் மாற்றிய கிரிக்கெட்டின் தனித்துவமிக்க அரிய வீரர் மகேந்திர சிங் தோனி. அவருக்கு பிறந்தநாள் நல்வாழ்த்துகள். பெருமை பிறப்பிலேயே வருவதல்ல, எடுக்கும் ஒவ்வொரு முடிவினாலும், ஒவ்வொரு ஓட்டத்தினாலும், அமைதியாக ஈட்டுகின்ற ஒவ்வொரு வெற்றியாலும் கட்டமைக்கப்படுவது அது என நீங்கள் காட்டியிருக்கிறீர்கள். இவ்வாறு அவர் கூறியுள்ளார்.