தொடர் விடுமுறை காரணமாக சென்னையில் உள்நாட்டு விமான கட்டணங்கள் பல மடங்கு அதிகரிப்பு

சென்னை: தொடர் விடுமுறை காரணமாக சென்னையில் உள்நாட்டு விமான கட்டணங்கள் பல மடங்கு அதிகரித்துள்ளது. பயணிகள் கூட்டத்தால் மதுரை, தூத்துக்குடி, திருச்சி, கோவை, சேலம் விமானங்களில் கட்டணம் பலமடங்கு உயர்ந்துள்ளது. சென்னையில் இருந்து மதுரைக்கு சாதாரண நாட்களில் கட்டணம் ரூ.4,000 ஆக இருக்கும் நிலையில் தற்போது கட்டணம் ரூ.16,769 வரை உயர்ந்துள்ளது. தூத்துக்குடிக்கு செல்வதற்கு ரூ.3,843 ஆக இருந்த விமான கட்டணம் ரூ.21,867-ஆக உயர்ந்துள்ளது. திருச்சிக்கு செல்ல சாதாரண நாட்களில் ரூ.1,827ஆக இருந்த விமான கட்டணம் ரூ.14,518ஆக உயர்ந்துள்ளது.