நீண்ட ஆயுளுடன் வாழ வேண்டும் : பிரதமர் மோடிக்கு முதல்வர் மு.க.ஸ்டாலின் உள்ளிட்ட அரசியல் தலைவர்கள் பிறந்த நாள் வாழ்த்து!!

சென்னை: பிரதமர் நரேந்திர மோடி இன்று தனது 75 வது பிறந்தநாள் விழாவை கொண்டாடி வருகிறார். இதையொட்டி அவருக்கு உலக தலைவர்கள் மற்றும் அரசியல் கட்சி தலைவர்கள் வாழ்த்து தெரிவித்து வருகின்றனர்.

தமிழ்நாடு முதல்வர் மு.க.ஸ்டாலின் : பிறந்தநாள் வாழ்த்துகள் பிரதமர் மோடி! பிரதமர் மோடி நல்ல ஆரோக்கியம், மகிழ்ச்சி, நீண்ட ஆயுளுடன் வாழ வேண்டும் என வாழ்த்துகளை தெரிவித்துக்கொள்கிறேன்.

அதிமுக பொதுச் செயலாளர் எடப்பாடி பழனிசாமி : நமது பிரதமருக்கு மனமார்ந்த பிறந்தநாள் வாழ்த்துகள். உங்கள் தொலைநோக்கு பார்வையுடைய தலைமை பண்பு, அயராத அர்ப்பணிப்பு மற்றும் தேசத்திற்கான உறுதிபாடு தொடர்ந்து மில்லியன் கணக்கானவர்களுக்கு ஊக்கமளிக்கிறது.உங்களுக்கு நல்ல ஆரோக்கியம், நீண்ட ஆயுள், மற்றும் நமது மகத்தான தேசத்தை வழிநடத்த தொடர்ந்து பலம் கிடைக்க வாழ்த்துகிறேன்.

தமிழக ஆளுநர் ரவி : நமது பேரன்புக்குரிய பிரதமர் மோடி, அவர்களின் 75ம் பிறந்தநாளில் அவருக்கு தமிழ்நாட்டு மக்களின் மனமார்ந்த வாழ்த்துக்களைத் தெரிவித்து அவர் நீண்ட ஆயுளுடன் ஆரோக்கியமாக வாழ வாழ்த்துகிறோம். அவரது தொலைநோக்குத் தலைமையின் கீழ், நமது தேசம் உருமாறி, வாய்ப்புகள் மற்றும் வளங்களை சமமாக அணுகுவதன் மூலம் ஒவ்வொரு குடிமகனையும் - குறிப்பாக பாதிக்கப்படக்கூடிய மற்றும் விளிம்புநிலை மக்களை மேம்படுத்தும் உள்ளடக்கிய வளர்ச்சியை வளர்த்தெடுத்து வருகிறது.

இசைஞானி இளையராஜா : நமது மதிப்பிற்குரிய பிரதமர் திரு. நரேந்திர மோடி ஜி அவர்களுக்கு இனிய பிறந்தநாள் வாழ்த்துக்கள். உங்கள் எழுச்சியூட்டும் தலைமைத்துவமும் அர்ப்பணிப்பும் இந்தியாவை பிரகாசமான எதிர்காலத்தை நோக்கி தொடர்ந்து வழிநடத்துகிறது. வலுவான மற்றும் சிறந்த இந்தியாவை உருவாக்குவதற்கான உங்கள் பயணத்தில் உங்களுக்கு நல்ல ஆரோக்கியம், மகிழ்ச்சி மற்றும் அதிக வெற்றிகளைப் பெற வாழ்த்துகிறேன்.

நடிகர் ரஜினிகாந்த் : நல்ல உடல்நலத்துடன் நீண்ட ஆயுளுடன் தேசத்தை வலிமையுடன் வழிநடத்த வாழ்த்துகிறேன்.