பிரேசிலில் காவல்துறை சோதனையின்போது 64 பேர் துப்பாக்கியால் சுட்டுக்கொலை: 12 பேர் காயம் 

பிரேசிலில் காவல்துறை சோதனையின்போது 64 பேர் துப்பாக்கியால் சுட்டுக்கொல்லப்பட்டனர். 8 போலீஸ் அதிகாரிகளும் நான்கு குடியிருப்பாளர்களும் காயமடைந்தனர். 2,500 க்கும் மேற்பட்ட சிறப்புப் படைகள் பிரேசிலின் மிகவும் சக்திவாய்ந்த குற்றக் குழுக்களில் ஒன்றின் தலைமையகமாகக் கருதப்படும் ரியோவின் சர்வதேச விமான நிலையத்திற்கு அருகிலுள்ள ஃபாவேலாஸ் பகுதியில் தாக்குதல் நடத்தினர்.

அதிகாலையில் நடந்த போலீஸ் சோதனையின் போது 300,000 பேர் வசிக்கும் அலெமாவோ மற்றும் பென்ஹா ஃபாவேலாஸ் மற்றும் அதைச் சுற்றியுள்ள பகுதிகளில் கடுமையான துப்பாக்கிச் சண்டைகளைத் தூண்டியது. சிறப்புப் படையினருக்கு எதிராக ஆயுதம் ஏந்திய ட்ரோன்களைப் பயன்படுத்தியதாகவும் கூறப்படுகிறது.

சிறப்புபோதைப்பொருள் கடத்தல்காரர்களுக்கும் இடையிலான துப்பாக்கிச் சண்டைக்குப் பிறகு நகரம் 'போரில்' இருப்பதாக ரியோ மாகாண ஆளுநர் கூறியுள்ளார். மேலும் 2010-ம் ஆண்டு அதே பிராந்தியத்தில் நடந்த சோதனைக்குப் பிறகு இது மிகப்பெரிய போலீஸ் நடவடிக்கை என்றும் கூறினார்.