சிறந்த பொதுப் போக்குவரத்து அமைப்பு கொண்ட நகரம்' என்ற தேசிய விருது சென்னை மாநகர் போக்குவரத்துக் கழகத்திற்கு வழங்கப்பட்டது.

ஹரியானா: ஹரியானாவில் நடந்த Urban Mobility India மாநாட்டில் நாட்டிலேயே சிறந்த பொதுப் போக்குவரத்து அமைப்பு கொண்ட நகரம்' என்ற தேசிய விருது சென்னை மாநகர் போக்குவரத்துக் கழகத்திற்கு வழங்கப்பட்டது. 660 வழித்தடங்களில் சென்னை, புறநகர் பகுதிகளுக்கு சென்னை மாநகர் போக்குவரத்து கழகம் பேருந்துகளை இயக்குகிறது. பெண்களுக்கான கட்டணமில்லா விடியல் பயணம் பேருந்து சேவை, பள்ளி மாணவர்களுக்கு பேருந்து சேவை, பேருந்துகளில் ஸ்கேன் செய்தும், கார்டு மூலம் பணம் செலுத்தும் டிஜிட்டல் சேவையை அறிமுகப்படுத்தியதற்கு விருது வழங்கப்பட்டது.

இந்திய அரசின் வீட்டுவசதி மற்றும் நகர்ப்புற விவகார அமைச்சகத்தால் ஏற்பாடு செய்யப்பட்ட Urban Mobility India (UMI) மாநாடு & கண்காட்சி 2025 இல், பெருநகர போக்குவரத்துக் கழகம் (சென்னை) லிமிடெட் "சிறந்த பொதுப் போக்குவரத்து அமைப்பு கொண்ட நகரம்" என்ற விருதைப் பெற்றுள்ளது.

இந்த விருதை ஒன்றிய வீட்டுவசதி மற்றும் நகர்ப்புற விவகார அமைச்சர் அவர்களால் மூத்த அதிகாரிகள், பிரமுகர்கள் மற்றும் நகர்ப்புற இயக்கம் துறையைச் சேர்ந்த தேசிய நிபுணர்கள் முன்னிலையில் வழங்கினார். செயல்திறன், அணுகல், டிஜிட்டல் கண்டுபிடிப்பு, பெண்கள் அதிகாரமளித்தல் மற்றும் பசுமை இயக்கம் ஆகியவற்றை மேம்படுத்துவதில் அதன் முக்கிய முயற்சிகளுக்காக MTC சென்னை அங்கீகரிக்கப்பட்டது.

இந்த விருதை தமிழ்நாடு அரசின் சார்பாக போக்குவரத்து மற்றும் மின்சாரத் துறை அமைச்சர் சிவசங்கர் மற்றும் , IAS, MTC நிர்வாக இயக்குநர் ஆகியோர் பெற்றனர். இந்த அங்கீகாரம், நிலையான, உள்ளடக்கிய மற்றும் பயணிகளுக்கு ஏற்ற பொதுப் போக்குவரத்து அமைப்பை உருவாக்குவதில் சென்னையின் தலைமையை மீண்டும் உறுதிப்படுத்துகிறது.