வரும் காலங்களில் பாகிஸ்தானிடம் இந்தியா எண்ணெய் வாங்கும் நிலைகூட வரலாம்: அமெரிக்க அதிபர் டிரம்ப்

வாஷிங்டன்: பாகிஸ்தான் உடன் இணைந்து எண்ணெய் ஒப்பந்தங்களில் ஈடுபட இருப்பதாகவும், மிகப் பெரிய சேமிப்பு கிடங்கை அந்நாட்டில் அமைக்கப்போவதாகவும் ட்ரூத் சோஷியல் பக்கத்தில் அமெரிக்க அதிபர் டிரப் தெரிவித்துள்ளார். பாகிஸ்தானுடனான வர்த்தக ஒப்பந்தம் கையெழுத்தாகிவிட்டதால், வரும் காலங்களில் பாகிஸ்தானிடம் இந்தியா எண்ணெய் வாங்கும் நிலைகூட வரலாம் என அதிபர் ட்ரம்ப் கூறியுள்ளார்.

அமெரிக்க அதிபர் டிரப்பின் சமுக வலைதள பதிவில்:

இன்று வெள்ளை மாளிகையில் வர்த்தக ஒப்பந்தங்கள் தொடர்பான பணிகளில் நாங்கள் மிகவும் மும்முரமாக இருக்கிறோம். அமெரிக்காவை மிகவும் மகிழ்ச்சியடையச் செய்ய விரும்பும் பல நாடுகளின் தலைவர்களிடம் நான் பேசியுள்ளேன். இன்று மதியம் தென் கொரிய வர்த்தகக் குழுவைச் சந்திப்பேன். தென் கொரியா தற்போது 25% வரியில் உள்ளது, ஆனால் அந்த வரிகளை குறைக்க அவர்களுக்கு ஒரு வாய்ப்பு உள்ளது. அந்த சலுகை என்ன என்பதை அறிய நான் ஆர்வமாக உள்ளேன்.

பாகிஸ்தான் நாட்டுடன் நாங்கள் ஒரு ஒப்பந்தத்தை முடித்துள்ளோம், இதன் மூலம் பாகிஸ்தானும் அமெரிக்காவும் தங்கள் மிகப்பெரிய எண்ணெய் இருப்புக்களை மேம்படுத்துவதில் இணைந்து செயல்படும். இந்த கூட்டாண்மையை வழிநடத்தும் எண்ணெய் நிறுவனத்தைத் தேர்ந்தெடுக்கும் பணியில் நாங்கள் ஈடுபட்டுள்ளோம். யாருக்குத் தெரியும், ஒருவேளை அவர்கள் ஒரு நாள் இந்தியாவிற்கு எண்ணெய் விற்பனை செய்வார்கள்!

அதேபோல், மற்ற நாடுகளும் கட்டணக் குறைப்புக்கான சலுகைகளை வழங்குகின்றன. இவை அனைத்தும் நமது வர்த்தக பற்றாக்குறையை மிகப் பெரிய அளவில் குறைக்க உதவும் என அவர் தெரிவித்துள்ளார்.

மற்றொரு பதிவில்;

இந்தியாவும் ரஷ்யாவும் தங்களது வீழ்ச்சியடைந்த பொருளாதாரத்தை சரிவில் கொண்டு செல்லட்டும். ரஷ்யாவுடன் இந்தியா என்ன வர்த்தகம் செய்கிறது என்பதை பற்றி கவலை இல்லை என இந்தியாவுக்கு எதிராக அமெரிக்க அதிபர் டிரம்ப் தொடர்ந்து காட்டமாக பதிவிட்டுள்ளார்.