ஆடி கியூ3, கியூ5

ஆடி இந்தியா நிறுவனம், சிக்னேச்சர் வரிசையில் கியூ3, கியூ3 ஸ்போர்ட்பேக் மற்றும் கியூ5 ஆகிய லிமிடெட் எடிஷன் கார்களை அறிமுகம் செய்துள்ளது. இந்த 3 கார்களிலும் 2 லிட்டர் டர்போ பெட்ரோல் இன்ஜின் இடம் பெற்றுள்ளது. இந்த இன்ஜின் கியூ3, கியூ3 ஸ்போர்ட்பேக் ஆகியவற்றில் அதிகபட்சமாக 190 பிஎஸ் பவரையும், 320 என்எம் டார்க்கையும் வௌிப்படுத்தும். கியூ5-ல் 269 பிஎஸ் பவரையும், 370 என்எம் டார்க்கையும் வெளிப்படுத்தும். கியூ3-ல் 18 அங்குல வி-ஸ்போக் அலாய் வீல்கள், டூயல் ஜோன் கிளைமேட் கண்ட்ரோல், 30 வண்ண ஆம்பியன்ட் லைட்டிங், 12.3 அங்குல டிஜிட்டல் டிரைவர் டிஸ்பிளே, 10.1 அங்குல தொடுதிரையுடன் கூடிய இன்போடெயின்மென்ட் சிஸ்டம், 6 ஏர்பேக் உள்ளிட்ட அம்சங்கள் இடம் பெற்றுள்ளன. கியூ5-ல் 19 அங்குல அலாய் வீல்கள், 3 ஜோன் கிளைமேட் கண்ட்ரோல், 30 வண்ண ஆம்பியன்ட் லைட்டிங், 12.3 அங்குல டிஜிட்டல் இன்ஸ்ட்ரூமென்ட் கிளஸ்டர், பனோரமிக் சன்ரூப், 8 ஏர்பேக், 360 டிகிரி கேமரா உள்ளிட்ட அம்சங்கள் இடம் பெற்றுள்ளன.