மாத்தூர் தொட்டி பாலத்தில் காமராஜர் கல்வெட்டு உடைத்த சமூக விரோதிகளை கைது செய்ய வேண்டும்: என்.ஆர்.தனபாலன் அறிக்கை
தொட்டி பாலம் நுழைவு வாயில் அருகில் காமராஜர் உருவம் பொறித்த கல்வெட்டு அமைக்கப்பட்டிருந்ததை சமூக விரோத கும்பல் உடைத்து சேதப்படுத்தியிருப்பது வன்மையாக கண்டிக்க கூடிய செயலாகும். காமராஜர் நற்பெயருக்கு களங்கம் விளைவிக்க நினைக்கும் தீய சக்திகளை முளையிலேயே கிள்ளி எறியவேண்டும். அடிப்படை அறிவு இல்லாத சிலரின் தீய செயல்களால் இதுபோன்ற அசம்பாவிதங்கள் ஏற்படுவது தடுக்கப்படவேண்டும்.
காமராஜர் உருவம் பொறித்த கல்வெட்டை மீண்டும் அதே இடத்தில் நிறுவப்படவேண்டும். அதே வேளையில் கல்வெட்டை உடைத்த சமூக விரோதிகளை கண்டறிந்து கைது செய்து சட்டப்படி நடவடிக்கை எடுக்கவேண்டும் என பெருந்தலைவர் மக்கள் கட்சி சார்பில் கேட்டுக்கொள்கிறேன். இவ்வாறு கூறியுள்ளார்.
