Dinakaran Cinema Button CINEMA Astrology Button ASTROLOGY  Magazines Logo VIDEOS Sun network Logo Epaper LogoEpaper Facebook
search-icon-img
Advertisement

அமர்நாத் யாத்ரீகர்கள் எண்ணிக்கை 3 லட்சத்தை கடந்தது

ஸ்ரீநகர்: காஷ்மீரின் அமர்நாத்தில் இயற்கையாக உருவாகும் பனி லிங்கத்தை தரிசிக்க ஆண்டுதோறும் பல்வேறு பகுதிகளிலிருந்து யாத்திரை செல்வது வழக்கம். நடப்பாண்டுக்கான அமர்நாத் யாத்திரை கடந்த 2ம் தேதி தொடங்கிய நிலையில் ஆகஸ்ட் 9ம் தேதி நிறைவடைய உள்ளது. நேற்று ஜம்முவின் பகவதி அடிப்படை முகாமிலிருந்து 4,388 பேர் கொண்ட 20வது குழுவினர் அமர்நாத்துக்கு புறப்பட்டு சென்றனர்.

இந்நிலையில் நடப்பாண்டில் இதுவரை 3 லட்சத்துக்கும் மேற்பட்ட யாத்ரீகர்கள் அமர்நாத்துக்கு புனித பயணம் சென்றுள்ளதாக தெரிவிக்கப்பட்டுள்ளது. இதுகுறித்து ஜம்மு காஷ்மீர் துணைநிலை ஆளுநர் மனோஜ் சின்ஹா தன் எக்ஸ் பதிவில், “பாபா அமர்நாத்தின் அருளால் தற்போதுவரை அமர்நாத் யாத்ரீகர்களின் எண்ணிக்கையானது 3 லட்சத்தை கடந்துள்ளது ” என்று தெரிவித்துள்ளார்.