‘நான் முதல்வன்’ திட்டத்தில் ரயில்வே, வங்கி பணிகளுக்கு இலவச பயிற்சி
அதன்படி, தமிழ்நாடு திறன் மேம்பாட்டு கழகம் அதன் கீழ் இயங்கிவரும் நான் முதல்வன் போட்டி தேர்வுகள் பிரிவின் வாயிலாக ‘நான் முதல்வன் ரயில்வே மற்றும் வங்கி பணிகளுக்கான கட்டணமில்லா உறைவிட பயிற்சியை’ துவங்க உள்ளது. பயிற்சிக்கான 1000 பயனாளர்களை தேர்ந்தெடுப்பதற்காக வருகிற 14ம் தேதி அன்று இருவேறு நுழைவுத் தேர்வுகளை நடத்தவுள்ளது. இத்திட்டத்தில் பயன்பெற விரும்பும் மாணவர்கள் வங்கி தேர்வுக்களுக்கான பயிற்சி அல்லது SSC cum RAILWAYS தேர்வுகளுக்கான பயிற்சி, இவற்றில் ஏதேனும் ஒன்றுக்கு மட்டுமே பயிற்சி மேற்கொள்ள முடியும். இந்த நுழைவு தேர்வுகளுக்கு விண்ணப்பிக்க ஆர்வமுள்ள மாணவர்கள், https://www.naanmudhalvan.tn.gov.in என்ற இணையதளத்தில் கொடுக்கப்பட்டிருக்கும் விரிவான அறிவிக்கையை படித்து பார்த்து, இன்று (8ம் தேதி) முதல் விண்ணப்பிக்கலாம். இத்தேர்வுக்கு விண்ணப்பிக்க கடைசி தேதி 23.6.2024. நுழைவு சீட்டு ஜூலை 7ம் தேதியும், ஜூலை 14ம் தேதி தேர்வும் நடைபெறும். இவ்வாறு அதில் கூறப்பட்டுள்ளது.
