புதுச்சேரி புதிய ஆளுநராக கைலாஷ்நாதன் பதவி ஏற்றார்: முதல்வர், அமைச்சர்கள், எம்எல்ஏக்கள் வாழ்த்து
புதிய ஆளுநராக கைலாஷ்நாதன், ஆங்கிலத்தில் பதவிப்பிரமாணம் எடுத்துக் கொண்டார். அதைத் தொடர்ந்து கவர்னர் மாளிகை முன்பு காவல் துறையினரின் அணிவகுப்பு மரியாதையை ஏற்றுக் கொண்டார். இந்நிகழ்ச்சியில் முதல்வர் ரங்கசாமி, சபாநாயகர் செல்வம், அமைச்சர்கள், எதிர்கட்சித் தலைவர் சிவா, தலைமைச் செயலர் சரத் சவுகான், கவர்னரின் செயலர் நெடுஞ்செழியன் உள்ளிட்டோர் கலந்து கொண்டு சால்வை அணிவித்தும், பூங்கொத்து கொடுத்தும், மலர்மாலை அணிவித்தும் வாழ்த்துக்களை தெரிவித்தனர். முன்னாள் முதல்வர் நாராயணசாமி, பங்கேற்று கைலாஷ்நாதனுக்கு சால்வை அணிவித்தும், பூங்கொத்து கொடுத்தும் வாழ்த்து தெரிவித்தார்.
