ரூ.4,620 கோடி முதலீடு மோசடி ஹிஜாவு நிறுவன இயக்குநரின் ஜாமீன் மனு தள்ளுபடி: ஐகோர்ட் உத்தரவு
இந்த வழக்கில் கைதான ஹிஜாவு நிர்வாக இயக்குனரும், 4வது குற்றவாளியுமான சவுந்தரராஜன் ஜாமீன் கோரி உயர் நீதிமன்றத்தில் மனு தாக்கல் செய்திருந்தார். இந்த மனு நீதிபதி டி.வி.தமிழ்செல்வி முன் விசாரணைக்கு வந்தது. மனுதாரர் சார்பில் ஆஜரான வழக்கறிஞர், 500 நாட்களுக்கு மேல் சவுந்தரராஜன் சிறையில் இருப்பதையும், அவரது உடல் நலத்தையும் கருத்தில் கொண்டு ஜாமீன் வழங்க வேண்டுமென்றார்.
பாதிக்கப்பட்டவர்கள் சார்பில் வழக்கறிஞர் டி.செல்வம் ஆஜராகி, சவுந்தரராஜனுக்கு உடல் நல பிரச்னை என்றால் சிறை மருத்துவமனையிலேயே சிகிச்சை பெற்றுக்கொள்ளலாம். சவுந்தரராஜனின் மகன் இன்னும் தலைமறைவாக உள்ளதால் ஜாமீன் வழங்கக்கூடாது என்றார். சவுந்தரராஜனுக்கு ஜாமீன் வழங்க காவல்துறை சார்பிலும் எதிர்ப்பு தெரிவிக்கப்பட்டது. இதனையடுத்து, சவுந்தரராஜனின் ஜாமீன் மனுவை தள்ளுபடி செய்து நீதிபதி உத்தரவிட்டார்.
