தங்கம் விலை பவுனுக்கு ரூ.160 குறைந்தது

சென்னை: தங்கம் விலை நேற்று பவுனுக்கு ரூ.160 குறைந்தது. தங்கம் விலை கடந்த மாதம் இறுதியில் இருந்து ஏற்றம், இறக்கத்துடன் காணப்பட்டு வருகிறது. இதற்கிடையில் கடந்த 3ம் தேதி தங்கம் விலை பவுனுக்கு ரூ.160 உயர்ந்து, ஒரு பவுன் ரூ.96,480க்கு விற்றது. நேற்று முன்தினம் தங்கம் விலை கிராமுக்கு ரூ.40 குறைந்து ஒரு கிராம் ரூ.12,020க்கும், பவுனுக்கு ரூ.320 குறைந்து, ஒரு பவுன் ரூ.96,160க்கும் விற்றது. வெள்ளி விலை கிராமுக்கு ஒரு ரூபாய் குறைந்து ஒரு கிராம் வெள்ளி ரூ.200க்கும், கிலோவுக்கு ஆயிரம் ரூபாய் குறைந்து, பார் வெள்ளி 2 லட்சம் ரூபாய்க்கும் விற்றது. இந்நிலையில் நேற்று தங்கம் விலை மேலும் குறைந்தது. அதாவது கிராமுக்கு ரூ.20 குறைந்து ஒரு கிராம் ரூ.12,000க்கும், பவுனுக்கு ரூ.160 குறைந்து ஒரு பவுன் ரூ.96,000க்கும் விற்பனையானது. வெள்ளி விலையும் நேற்று குறைந்தது. வெள்ளி விலை கிராமுக்கு 4 ரூபாய் குறைந்து ஒரு கிராம் வெள்ளி ரூ.196க்கும், கிலோவுக்கு 4 ரூபாய் குறைந்து பார் வெள்ளி 1 லட்சத்து 96 ஆயிரம் ரூபாய்க்கும் விற்றது.