கோவை சிறுவாணி அணையின் நீர்மட்டம் ஒரே நாளில் 3 அடி அதிகரித்து 38.67 அடியாக உயர்வு..!!
இந்த நிலையில், சிறுவாணி அணையின் நீர்மட்டம் ஒரே மாதத்திற்குள்ளாகவே 27.5 அடி உயர்ந்துள்ளது. நேற்று பொழிந்த அடைமழை காரணமாக ஒரே நாளில் அணையின் நீர்மட்டம் என்பது 3 அடிக்கு மேல் உயர்ந்துள்ளது. நேற்று காலை நிலவரப்படி அணையின் நீர்மட்டம் 35.35 அடியாக இருந்த நிலையில் தற்போது இன்று காலை நிலவரப்படி 38.67 அடியாக உயர்ந்துள்ளது. நேற்றையதினம் 4 அடி உயர்ந்த நிலையில் இன்று 3 அடி உயர்ந்துள்ளது.
மழை பொழிவை பொறுத்தவரையில் சிறுவாணி அணைகட்டுப்பகுதிகளில் சீராக மழை பொழிந்து வருவதன் காரணமாக நீர்மட்டம் உயந்து கொண்டு வருகிறது. குறிப்பாக அணைக்கட்டு பகுதியில் 9 செ.மீ மழையும், அடிவாரத்தில் 7 செ.மீ மழையும் மொழிந்துள்ளது. கடந்த ஜூன் மாதம் 23-ம் தேதி சிறுவாணி அணை நீர்மட்டம் 11.32 அடியாக இருந்த நிலையில் இன்று 38.6 அடியாக உயர்ந்துள்ளது கோவை மக்களிடையே மகிழ்ச்சியை ஏற்படுத்தியுள்ளது. வரையறுக்கப்பட்ட 45 அடி கொள்ளளவை அடுத்த வாரத்திற்குள் சிறுவாணி அணை எட்டலாம் என தெரிவிக்கப்பட்டுள்ளது.
