வர்த்தக காஸ் சிலிண்டர் விலை ரூ.16.50 அதிகரிப்பு: சென்னையில் ரூ.1,754.50 என நிர்ணயம்

சேலம்: நாடு முழுவதும் இம்மாதம் 19 கிலோ வர்த்தக சிலிண்டர் விலை ரூ.16.50 அதிகரிக்கப்பட்டுள்ளது. இதனால், சென்னையில் ₹1,754.50 ஆகவும், சேலத்தில் ₹1,703.50 ஆகவும் நிர்ணயிக்கப்பட்டுள்ளது. இந்திய எண்ணெய் நிறுவனங்களின் கூட்டமைப்பு காஸ் சிலிண்டர் விலையை மாதந்தோறும் 1ம் தேதி மாற்றியமைகிறது. அந்த வகையில் இந்த மாதத்திற்கான (அக்டோபர்) 14.2 கிலோ வீட்டு உபயோக காஸ் சிலிண்டர் விலை சென்னையில் ரூ.868.50, சேலத்தில் ரூ.886.50 என மாற்றம் இல்லாமல் விற்கப்படுகிறது. அதேவேளையில், 19 கிலோ எடை கொண்ட வர்த்தக காஸ் சிலிண்டர் விலை ரூ.15 முதல் ரூ.16.50 வரை அதிகரிக்கப்பட்டுள்ளது. கடந்த மாதம் வர்த்தக காஸ் சிலிண்டரின் விலை சென்னையில் ரூ.1,738 என இருந்த நிலையில், ரூ.16.50 அதிகரிக்கப்பட்டு, ரூ.1,754.50 ஆக நிர்ணயிக்கப்பட்டுள்ளது. சேலத்தில் ரூ.1,687ல் இருந்து ரூ.16.50 உயர்ந்து ரூ.1,703.50 ஆக நிர்ணயிக்கப்பட்டுள்ளது.