செவ்விது செவ்விது பெண்மை!

நன்றி குங்குமம் டாக்டர்

மனநல மருத்துவர் மா . உஷா நந்தினி

பிறப்பிலிருந்து பேதை வரை

ஒரு விதை வளரும்பொழுது கீழிருந்து மேலாக தான் வளர்கிறது. ஆனால் ஒரு குழந்தையின் நரம்பு மண்டலம் மேலிருந்து கீழாக வலுவடைகிறது. பிறந்த குழந்தையின் நரம்புமண்டலம் முதிர்ச்சி அடையாமல் (unmyelinated) இருக்கும். முதலில் கழுத்து நிக்கும் - குழந்தை நிமிர்ந்து பார்க்கும் . பின்பு முதுகு நிக்கும் , குழந்தை உக்கார ஆரம்பிக்கும், பின்பு முழங்கால் நிக்கும், தவக்க முயற்சிக்கும் பின்பு தான் கால்கள் நிக்கும், குழந்தை நிற்க நடக்க பழக முடியும். இது நரம்பு மண்டலம் மேலிருந்து கீழாக முதிர்ச்சி அடைவதினால் (myelination) ஏற்படும்

வளர்ச்சியின் வெளிப்பாடுகள்.

பரிணாம வளர்ச்சியில் நாம் மிருகங்களில் இருந்து வந்திருந்தாலும், மிருகங்களிடம் இருந்து மனிதர்களை வித்தியாசப்படுத்தும் முக்கியமான உறுப்பு மூளைதான். பிறக்கும்பொழுது ஒரு குழந்தையின் மூளை 300-400 கிராம் இருக்கும். குழந்தையின் உடல் வளர்ச்சிக்கு ஏற்றவாரே எல்லா உறுப்புகளும் வளர்கின்றன. ஆனால் மூளை மட்டும் முதல் ஓரிரண்டு வருடத்திலேயே எண்பது சதவிகிதம் வளர்ந்து விடுகிறது, முதல் ஐந்து வருடத்தில் தொண்ணூறு சதவிகிதம் வளர்ச்சி ஏற்பட்டுவிடுகிறது.

மீதம் உள்ள பத்து சதவிகிதம் பொறுமையாக இருபது - இருபத்தைந்து வயது வரை நடைபெறுகிறது. மூளையின் சுவாரஸ்யமே எத்துணை வயதானாலும் மாற்றங்களை உள்வாங்கி வளர தயாராகவே இருக்கும் (Neuroplasticity). இந்த தன்மை வளரும் முதல் ஐந்து வருடங்களில் மிக அதிகமாக இருக்கும். அதனால் தான் ஐந்தில் வளையாதது ஐம்பதில் வளையுமா என்ற பழமொழியும் வந்தது. இந்த ஐந்து வயதில் பெற்றோர்கள், குடும்பத்தினர் மற்றும் சமூகம் அந்த குழந்தையை கையாளும் விதத்தினால் மூளையில் பல மாற்றங்கள் ஏற்படுகின்றன. இவை நல்லதாகவும் இருக்கலாம், சில நேரங்களில் கெட்டதாகவும் இருக்கலாம்.

இதில் ஆண்களுக்கும் பெண்களுக்கும் பெரிதாக வித்தியாசம் இல்லை. உடல் எடைக்கு ஏற்றவாறே ஆண் பிள்ளைகளின் மூளையின் எடை சற்றே அதிகமாக இருந்தாலும், மூளையின் முடிச்சுகள், அதன் பரப்பளவு பெண்களிலும் அதே அளவிற்கு தான் மூளை இருக்கிறது. பேச்சு திறமை மற்றும் உணர்வுகளை கையாளும் திறமை பெண்ணின் மூளைக்கு எளிதாக வருகிறது. மற்றபடி இருவருக்கும் மூளையின் வளர்ச்சியில் பெரிய வித்தியாசங்கள் என்பது இல்லை.

பிள்ளைகள் இந்த உலகத்தை புரிந்து கொள்வது மற்றும் வாழ்க்கையைப் பற்றி கற்றுக்கொள்வது மிகவும் அற்புதமானது. இதை ஜீன் பியாஜெட் (Jean Piaget ) என்ற பிரபல உளவியல் நிபுணரின் அறிவாற்றல் வளர்ச்சியின் கோட்பாடு (Theory of Cognitive Development ) மூலம் புரிந்து கொள்ளலாம். பிறந்த முதல் ஏழு ஆண்டுகளில் அவர்கள் மூளையின் வளர்ச்சி இந்த இரண்டு முக்கிய நிலைகள் வழியாக நடைபெறுகிறது: சென்சரி மோட்டார் நிலை மற்றும் முன்ஆப்பரேஷனல் நிலை.

சென்சரி மோட்டார் நிலை (பிறந்தது முதல் 2 ஆண்டுகள் வரை)இந்த நிலையில், குழந்தைகள் அவர்களின் புலன்கள் மற்றும் இயக்கங்கள் மூலம் உலகத்தை ஆராய்ந்து கற்றுக்கொள்கிறார்கள். அவற்றின் அனைத்து கற்றலும், உடனடியாகப் பெறும் அனுபவங்களுக்குள் மட்டுமே அடங்கியுள்ளது.

இந்த நிலையின் முக்கிய அம்சங்கள்:

புலன்கள் மற்றும் செயல்களின் மூலம் கற்றல்:

*குழந்தை ஒரு பொருளைத் தொடுவது, வாயில் போட்டுப் பார்ப்பது, குலுக்குவது அல்லது தரையில் போட்டுவிடுவது போன்றவை எல்லாம் கற்றலின் ஒரு பகுதி.

*ஒவ்வொரு செயலும் பொருளின் தன்மையைப் பற்றி கற்றுக்கொள்ள உதவுகிறது.

உருவம் நிலைத்தன்மை (Object Permanence):

*ஆரம்பத்தில், ஒரு பொருள் மறைந்துவிட்டால் அது இல்லாததுபோல குழந்தைகள் நினைக்கின்றனர். உதாரணமாக, ஒரு பொம்மையை மடிக்கணியில் மறைத்தால், அது மறைந்துவிட்டதாகவே

அவர்கள் நினைப்பார்கள்.

*812 மாதங்கள் வரை, அவர்கள் பொருட்கள் மறைந்தாலும் இருக்கும் என்பதைப் புரிந்து கொள்கிறார்கள். இதை ‘‘உருவம் நிலைத்தன்மை” என்கிறார்கள்.

தவறுகள் மற்றும் சரியான முறைகள் மூலம் கற்றல் (Trial and Error):

*ஒரு பொம்மையின் பொத்தானை மீண்டும் மீண்டும் அழுத்துவது அல்லது குவியல்களை சரியாக அடுக்குவது போன்ற செயல்களால் குழந்தைகள்

கற்றுக்கொள்கிறார்கள்.

நோக்கத்துடன் செயல்பாடு (Intentionality):

*தொடக்கத்தில், அவர்களின் செயல்கள் பிரதிபலிப்பு (reflex) ஆக இருந்தாலும், பின்னர் அவை நோக்கத்துடன் செயல்படும். உதாரணமாக, அவர்கள் ஒரு பொம்மையை எடுத்துக் கொள்ள தள்ளாடுவது.

உதாரணம்

இந்த வளர்ச்சி வரும் வரை அம்மா நம் கண் முன் இல்லையென்றால் அவள் இந்த உலகத்திலேயே இல்லை என்று நினைத்து அழும் குழந்தைகள், கண்ணை மூடி காணோம் என்று ஒழிந்து இருந்த அம்மா, இந்த உலகத்தை விட்டு போகவில்லை இங்கயே தான் எங்கேயாவது இருப்பாள் என்ற புரிதல் வருகிறது. இதை சீண்டும் விளையாட்டு தான் கண்ணாம்பூச்சி.

முன்ஆப்பரேஷனல் நிலை (2 முதல் 7 வயது வரை)

இரண்டு வயதிலிருந்து, குழந்தைகளின் சிந்தனை உருவங்கள் மற்றும் கற்பனைகள் மூலம் அதிகமாக நடைபெறுகிறது. ஆனால் அவர்கள் மெய்நிகர்தன்மை மற்றும் தர்க்கம் குறைவாகவே இருக்கும்.

இந்த நிலையின் முக்கிய அம்சங்கள்

சின்னச்சிந்தனை (Symbolic Thought)

*குழந்தைகள் வார்த்தைகள், படம் அல்லது பொம்மைகளை உலகத்தை பிரதிநிதித்துவப்படுத்த பயன்படுத்த ஆரம்பிக்கின்றனர்.

*உதாரணமாக, ஒரு குச்சி ஒரு வாளாக அல்லது கார்ட்போர்டு பாக்ஸ் ஒரு ராக்கெட்டாக பயன்படுத்தப்படும்.

எகோசென்ட்ரிசம் (Egocentrism)

*குழந்தைகளுக்கு மற்றவரின் பார்வையைப் புரிந்து கொள்ள முடியாது.

*உதாரணமாக, 3 வயது குழந்தை தொலைபேசியில் ‘‘இது” என்று சொல்வது, நீங்கள் என்ன பார்க்கிறீர்கள் என்பதை அவர்கள் நினைக்கின்றனர்.

சாதாரணத்தை புரியாமை (Lack of Conservation)

*சிறிய வயதில், ஒரு பொருளின் அளவு என்பதைப் புரிந்து கொள்ள முடியாது.

*உதாரணமாக, குட்டையான டம்ளர் உள்ள நீரை நீண்ட டம்ளருக்குள் ஊற்றினால், நீண்ட டம்ளரில் அதிகமாக உள்ளது என்று நினைப்பார்கள்.

ஆனிமிசம் (Animism)

*குழந்தைகள் பொருட்களுக்கும் உணர்வுகள் இருப்பதாக நம்புகிறார்கள். ஒரு பொம்மை கவலைப்பட்டுவிடும் அல்லது நிலா ‘‘தொடர்ந்து வருகிறது” என்று எண்ணலாம்.

கற்பனை விளையாட்டு

*இந்த நிலையிலே குழந்தைகள் அதிகமாக கற்பனைகளால் விளையாடுகிறார்கள். அவர்கள் ஒரு தேநீர் விருந்தை நடத்தலாம் அல்லது அவர்களது பொம்மைகளை நண்பர்களாகக் கருதலாம்.

*இதன் மூலம் அவர்கள் சோதனை செய்யவும், உணர்ச்சிகளை ஆராயவும், பிரச்னைகளை தீர்க்கவும் கற்றுக்கொள்கிறார்கள்.

உதாரணம்

4 வயது குழந்தை சூரியனின் ஒரு சிரிப்புடன் ஓவியம் வரைந்து ‘‘இன்று சூரியன் மகிழ்ச்சியாக இருக்கிறது” என்று கூறலாம். அல்லது ஒரு பொம்மை குளிர்ந்துவிட்டதாகவும் அதை போர்வை போட வேண்டும் எனவும் கருதலாம்.இரண்டு நிலைகளுக்கிடையேயான முக்கிய வித்தியாசங்கள் அம்சம் சென்சரி மோட்டார் நிலை முன்ஆப்பரேஷனல் நிலை வயது வரம்பு பிறந்தது முதல் 2 ஆண்டுகள் வரை 2 முதல் 7 ஆண்டுகள் வரை.

கற்றல் முறை புலன்கள் மற்றும் இயக்கங்கள் மூலம் சின்னங்கள், வார்த்தைகள் மூலம் .

உருவம் புரிதல் உருவம் நிலைத்தன்மை வளர்ச்சி உருவங்களை சின்னமாக பயன்படுத்தல்.

எகோகென்ட்ரிசம் உருவாகவில்லை.

மிகுந்த எகோகென்ட்ரிசம்

விளையாட்டு முறை உடல் ஆராய்ச்சி விளையாட்டு கற்பனை விளையாட்டு மற்றும் கதாபாத்திர பங்களிப்பு.

இந்த நிலைகள் ஏன் முக்கியம்?

*தாய்மார்களுக்கு: இந்த வளர்ச்சியைப் புரிந்து கொள்ளுதல், குழந்தைகளின் நியாயமான எதிர்பார்ப்புகளை அமைப்பதற்கு உதவும்.

*ஆசிரியர்களுக்கு: சென்சரி விளையாட்டுகள் மற்றும் கதைக்கள விளையாட்டுகள் போன்ற வயதுக்கேற்பமான நடவடிக்கைகளை வடிவமைக்க உதவும்.

*அனைவருக்கும்: குழந்தைகள் ‘‘சிறிய வயதினர் பெரியவர்கள் அல்ல” என்பதை நினைவூட்டும். அவர்கள் அவர்கள் வயதிற்கேற்ப தனித்துவமான முறையில் சிந்திக்கிறார்கள்.

இந்த அறிவாற்றல் வளர்ச்சியை நாம் ஒவ்வொரு குழந்தையிலும் ரசிக்கலாம். இவை சரியாக வளரவில்லை என்றால் , மூளை வளர்ச்சி குறைபாடு இருக்கிறதா, அல்லது வேறு ஏதேனும் பிரச்னைகள் இருக்கிறதா என்று குழந்தைகள் மருத்துவர் அல்லது மனநல மருத்துவரிடம் சென்று ஆராய்ந்து தெரிந்து கொள்ளலாம்.