பெர்ரி பழங்கள்… பெரிய நன்மைகள்!

நன்றி குங்குமம் டாக்டர்

பெர்ரி பழங்கள் ஆன்டிஆக்ஸிடன்ட் மற்றும் வைட்டமின்கள் நிறைந்தவை, இவை இதய ஆரோக்கியத்திற்கு நல்லது, இவை நீரிழிவு நோயைக் கட்டுப்படுத்த உதவுகின்றன, இவை பல்வேறு நோய்களைத் தடுக்கும் வல்லமை கொண்டவை. பொதுவாக பெர்ரி பழங்கள் வண்ணமயமாகவும் இனிப்பு, புளிப்புச் சுவையை கொண்டிருக்கும். இந்த பழங்கள் எல்லாமே ஆரோக்கியமானவை. இருந்தாலும் ஒவ்வொன்றும் ஒவ்வொருவிதமான நன்மைகளை உடலுக்கு அளிக்கிறது. பெர்ரி பழங்கள் குறித்தும் அவை உடலுக்கு தரும் நன்மைகள் குறித்தும் தெரிந்துகொள்வோம்.

ராஸ்பெர்ரி பழங்கள்

நார்ச்சத்துகளின் நல்ல மூலம் ராஸ் பெர்ரி என்று சொல்லலாம். இது ஆக்ஸிஜனேற்ற பண்புகளுடன் பாலிபினால்களும் உள்ளன. இது ஆக்ஸிஜனேற்ற அழுத்தத்தை குறைக்க செய்யும். ராஸ்பெர்ரி இதயநோய்க்கான அபாயத்தை குறைக்கின்றன. ராஸ் பெர்ரிகளில் அதிக பொட்டாசியம் உள்ளது. இது ரத்த அழுத்தம் மற்றும் இதயத்துடிப்பை கட்டுப்படுத்த உதவுகிறது. இது தாமிரம், இரும்பு மற்றும் மாங்கனீசு உள்ளிட்ட தாதுக்கள் நிறைந்தவை.

இது சிவப்பு இரத்த அணுக்களை உருவாக்குகின்றன. நார்ச்சத்து இருப்பதால் எடை இழப்பை ஊக்குவிக்கின்றன. இது கண் ஆரோக்கியத்தை மேம்படுத்துகிறது. ஆக்ஸிஜனேற்ற செறிவுகளில் ராஸ்பெர்ரி இருப்பதால் இது புற்றுநோயை எதிர்த்து போராடுகின்றன. இது பைட்டோநியூட்ரியண்ட்ஸ் மூலமாக வீக்கத்தைக் குறைக்கிறது. நோய்த்தொற்று மற்றும் நோய் எதிர்ப்பு சக்தியை மேம்படுத்துகிறது. சேதமடைந்த சரும திசுக்களை சரி செய்கிறது.

ப்ளூபெர்ரி பழங்கள்

ப்ளூபெர்ரி வைட்டமின் கே -இன் சிறந்த மூலமாகும். இது ஆந்தோசயனின் என்ற தாவர கலவை உள்ளது. இதுதான் ப்ளூ பெர்ரிகளுக்கு நீல நிறத்தை வழங்குகிறது. ப்ளூபெர்ரி எல்.டி.எல் கொழுப்பை குறைப்பதன் மூலம் மாரடைப்பு அபாயத்தை தடுக்க செய்கிறது. இது தமனிகளின் செயல்பாட்டை அதிகரிப்பதன் மூலம் இதய ஆரோக்கியத்தை மேம்படுத்தக்கூடும். இது நீரிழிவு அபாயத்தை குறைக்க செய்யும். இது வலிமையான எலும்பு, தோல் ஆரோக்கியம், இரத்த அழுத்தம், நீரிழிவு மேலாண்மை, புற்றுநோய் தடுப்பு மற்றும் மன ஆரோக்கியத்துக்கு உதவும். இதில் இருக்கும் வைட்டமின் கே உள்ளடக்கம் இரத்த உறைதலை பாதிக்கும் என்பதால் இரத்த மெலிதலை பயன்படுத்துபவர்கள் மருத்துவரை கலந்தாலோசிப்பது நல்லது.

ஸ்ட்ராபெர்ரி பழங்கள்

ஸ்ட்ராபெர்ரி பழங்கள் வைட்டமின் சி நிறைந்தவை. அவை இரத்த கொழுப்பு, ட்ரைகிளிசரைடுகள் மற்றும் ஆக்ஸிஜனேற்ற அழுத்தங்கள் உள்ளிட்ட இதய நோய்களுக்கான பல ஆபத்து காரணிகளை குறைக்கும். இது உடலில் ஹெச்.டி. எல் நல்ல கொழுப்பை அதிகரிக்கின்றன. இதனால் இரத்த அழுத்தம் சீராக்கப்படுகிறது. இது புற்றுநோய் அபாயத்தையும் குறைக்க செய்கிறது. வைட்டமின்கள், நார்ச்சத்து மற்றும் பாலிபினால்கள் எனப்படும் அதிக அளவு ஆக்ஸிஜனேற்றங்களால் நிரம்பிய இவை குறைந்த கலோரி கொண்ட உணவும் கூட. மாங்கனீசு மற்றும் பொட்டாசியத்தின் நல்ல மூலம் இது. எட்டு ஸ்ட்ராபெர்ரிகள் ஒரு ஆரஞ்சு பழத்தை காட்டிலும் அதிகமான வைட்டமின் சி கொண்டவை.

கிரான்பெர்ரி பழங்கள்

கிரான்பெர்ரி பழங்கள் (குருதிநெல்லி) ஆரோக்கியமானவை. இது சாறு போல் எடுத்துக்கொள்ளப்படுகிறது. இதில் ஆரோக்கியமான வைட்டமின்கள் மற்றும் தாவர கலவைகள் உள்ளன. இது இனிப்பு மற்றும் பழச்சாறுகளுடன் கலந்து குடிக்கப்படுகிறது. இது அதிக புளிப்புச்சுவையை கொண்டிருக்க கூடியது. இது பல்வேறு ஆரோக்கிய நன்மைகளை உடலுக்கு அளிக்கிறது. குறிப்பாக சிறுநீர் பாதை நோய்த்தொற்றுகளின் அபாயத்தை குறைக்கும் திறன் கொண்டது.இந்த கிரான் பெர்ரி சாறு குடிப்பதால் கொழுப்பு, ரத்த அழுத்தம், ஆக்ஸிஜனேற்ற அழுத்தம் மற்றும் தமனிகளின் விறைப்பு போன்றவற்றை குறைக்க செய்யும் என்று ஆய்வுகள் கண்டறிந்துள்ளது.

பிளாக்பெர்ரி பழங்கள்

பிளாக் பெர்ரி வைட்டமின்கள், மினரல்கள், ஆன் டி ஆக்ஸிடண்ட் நார்ச்சத்துக்கள் நிறைந்தவை. பிளாக் பெர்ரி வைட்டமின் சி வைட்டமின் கே மற்றும் மாங்கனீசு சத்துக்கள் மற்றும் தாதுக்கள் கொண்டவை. இது மூளையின் ஆரோக்கியத்தை அதிகரிக்க செய்யும். இனிப்பும் புளிப்பும் கொண்ட இது கோடைக்காலத்துக்கு ஏற்றது. இதில் இருக்கும் ஹைலிட்டால் என்னும் வேதிப்பொருள் ரத்தத்தின் சர்க்கரை அளவை கட்டுக்குள் வைக்கிறது. செரிமான ஆரோக்கியம், புற்றுநோயை தடுக்கும் திறன் கொண்டவை. இது இதய ஆரோக்கியம், எலும்புகளின் வலிமை, மூளை செயல்பாடுகள் போன்றவற்றுக்கு உதவுகிறது.

அகாய் பெர்ரி பழங்கள்

அகாய் பெர்ரி ஆக்ஸிஜனேற்ற பாலிபினால்களின் சிறந்த ஆதாரங்களில் ஒன்று. இது அவுரி நெல்லிகளை விட 10 மடங்கு அதிகமான ஆக்ஸிஜனேற்றங்களை கொண்டிருக்கிறது. இது சூப்பர் ஃப்ரூட் என்று அழைக்கப்படுகிறது. இது இரத்த ஆக்ஸிஜனேற்ற அழுத்தத்தில் ஈடுபடும் இரசாயனங்களை குறைக்கின்றன. இதில் உள்ள ஆண்டி ஆக்ஸிடண்ட்கள் கீல்வாதத்தின் அறிகுறிகளை குறைக்க உதவுகிறது. இது பனை மரங்கள் போன்ற உயரமான மரங்களில் இருந்து பெறப்படுகிறது. இது அடர்ந்த ஊதா தோல் மற்றும் மஞ்சள் சதை கொண்டுள்ளது. இதன் சுவை சுவையற்றதாய் இருக்கும்.

தொகுப்பு: ஸ்ரீதேவி குமரேசன்