மோப்ப நாய் உதவியுடன் அதிரடி விபசாரத்தில் ஈடுபட்ட 4 பெண்கள் மீட்பு: புரோக்கர் கைது

திருச்சி, ஆக.12: திருச்சியில் விபச்சாரத்தில் ஈடுபட்ட 4 பெண்களை மீட்டு, காப்பகத்தில் ஒப்படைக்கப்பட்டனர். புரோக்கராக செயல்பட்ட பெண்ணை கைது செய்து சிறையில் அடைக்கப்பட்டார்.திருச்சி ரங்கம் ஜெ.ஜெ.நகர் பகுதியில் உள்ள வீட்டில் விபசாரம் நடப்பதாக போலீசாருக்கு தகவல் கிடைத்தது. இதைத் தொடர்ந்து, போலீசார் கடந்த 10ம் தேதி அதிரடி சோதனை நடத்தினர். அப்போது, பெண்களை வைத்து விபசாரத்தில் ஈடுபட்டது தெரியவந்தது. இதையடுத்து, 4 பெண்களை போலீசார் மீட்டு காஜாமலை பகுதியில் உள்ள காப்பகத்தில் ஒப்படைக்கப்பட்டனர். இது குறித்து ரங்கம் போலீசார் வழக்குப்பதிந்து, புரோக்கராக செயல்பட்ட ரங்கம் பச்சக்கரையை சேர்ந்த மல்லிகா(44) என்பவரை கைது செய்து, சிறையில் அடைத்தனர். மல்லிகாவிடம் இருந்து 4 செல்போன்கள் மற்றும் ரூ.2 ஆயிரம் பணம் ஆகியவை பறிமுதல் செய்யப்பட்டது.