வை. வட்டார பகுதியை சேர்ந்த 100க்கும் மேற்பட்டோர் தவெகவில் இணைந்தனர்

ஏரல், டிச. 2: வைகுண்டம் வட்டார பகுதியை சேர்ந்த 100க்கும் மேற்பட்ட இளைஞர்கள், மேற்கு மாவட்ட சமூக ஆர்வலர் அன்னை விஜி சரவணன் முன்னிலையில் தவெகவில் இணைந்தனர். வைகுண்டம் வட்டார பகுதி கொட்டியம்மாள்புரம் மணி முருகன் உள்பட சுற்றுவட்டார பகுதியை சேர்ந்த 100க்கும் மேற்பட்ட இளைஞர்கள், மேற்கு மாவட்ட சமூக ஆர்வலர் அன்னை விஜி சரவணனை புதுமனை அம்மாள் தோப்பில் உள்ள அவரது அலுவலகத்தில் சந்தித்து தவெகவில் இணைந்தனர். இந்நிகழ்ச்சிக்கு வை. மேற்கு ஒன்றிய செயலாளர் பாலமுருகன் தலைமை வகித்தார். இதில் கிளை செயலாளர் வேல், மாவட்ட மாணவரணி செயலாளர் அருள், மாவட்ட செயற்குழு உறுப்பினர் அரசமுத்து மற்றும் நிர்வாகிகள் வேல்முருகன், சவுந்தர்ராஜன், திருமணி உள்பட பலர் கலந்து கொண்டனர்.