Dinakaran Cinema Button CINEMA Astrology Button ASTROLOGY  Magazines Logo VIDEOS Sun network Logo Epaper LogoEpaper Facebook
search-icon-img
Advertisement

பைக்குகள் மோதி விபத்து இளம்பெண் பஸ் சக்கரத்தில் சிக்கி பலி

முத்துப்பேட்டை, ஆக.30: திருவாரூர் மாவட்டம், முத்துப்பேட்டை அடுத்த ஆலங்காடு கிராமத்தைச் சேர்ந்தவர் சுகுநாதன் (36). இவரது மனைவி பொன்மணி (25). திருமணமாகி நான்கு வருடங்களாகிறது. இவர்களுக்கு குழந்தைகள் இல்லை. சுகுநாதன் சிங்கப்பூரில் பணியாற்றி வருவதால் மனைவி பொன்மணி ஒரு வருடத்திற்கு முன் அதே பகுதியில் உள்ள அரசு பள்ளியில் தற்காலிக ஆசிரியையாக பணியாற்றி வந்தார்.

நேற்றிரவு பொன்மணி தனது ஸ்கூட்டியில் முத்துப்பேட்டைக்கு வந்து கடையில் பொருட்கள் வாங்கிவிட்டு, பின்னர் பேருந்துக்காக நின்றிருந்த உப்பூர் காசடிக்கொல்லை கிராமத்தை சேர்ந்த நாகராஜன் மகள் ராதிகா (20) என்பவரை ஏற்றிக்கொண்டு ஊருக்கு சென்று கொண்டிருந்தார். ஆலங்காடு ரவுண்டானா அருகே செல்லும்போது எதிரே முத்துப்பேட்டை ஆசாத்நகர் ஜெகபர் அலி(58) என்பவர் ஓட்டி வந்த பைக் நேருக்கு நேர் மோதி விபத்துக்குள்ளானது.

இதில் பொன்மணி சாலையில் தூக்கி வீசப்பட்டார். அதே நேரத்தில் முத்துப்பேட்டையிலிருந்து திருத்துறைப்பூண்டி நோக்கி சென்ற அரசு பேருந்தின் பின் சக்கரத்தில் சிக்கி தலை நசுங்கி உயிரிழந்தார்.இதில் ராதிகா, இருசக்கர வாகனத்தை ஓட்டி வந்த ஜெபர்அலி ஆகியோர் படுகாயமடைந்து திருத்துறைப்பூண்டி மற்றும் தஞ்சாவூர் மருத்துவமனையில் சிகிச்சைக்காக சேர்க்கப்பட்டுள்ளனர்.

முத்துப்பேட்டை இன்ஸ்பெக்டர் மாரிமுத்து, எஸ்ஐ ராகுல் மற்றும் போலீசார் பொன்மணியின் உடலை மீட்டு திருத்துறைப்பூண்டி அரசு மருத்துவமனைக்கு அனுப்பி வைத்தனர். மேலும் அரசுப்பேருந்து டிரைவர் செந்தில்குமரிடம் விசாரணை நடத்தி வருகின்றனர்.