மானாமதுரை வழியாக இயக்கப்பட்ட நாகூர்-கொல்லம் ரயில் மீண்டும் இயக்கப்படுமா?

மானாமதுரை, டிச.1: மானாமதுரை- திருச்சி ரயில் பாதை மீட்டர் கேஜாக இருந்தபோது பல ஆண்டுகளாக நாகூர்-கொல்லம் இடையே பயணிகள் ரயில் புதுக்கோட்டை வழியாக இயக்கப்பட்டது. ராமேஸ்வரம் - சென்னை இடையே தற்போது இயங்கும் போட்மெயில் ரயிலை போல மானாமதுரை வழியாக இயங்கிய மிகவும் பழமையான ரயிலாக அது இருந்தது. நாகூர்-கொல்லம் ரயிலானது தினசரி நாகூரிலிருந்து காலை 10.50 மணிக்கு புறப்பட்டு புதுக்கோட்டைக்கு மாலை 5.12 மணிக்கு வந்து சேரும். பின்னர், 5.13 -க்கு புறப்பட்டு காரைக்குடி, மானாமதுரை, விருதுநகர், செங்கோட்டை, தென்மலை, கொட்டாரக்கரை வழியாக கொல்லத்துக்கு அதிகாலை 4.50-க்கு செல்லும்.

இதேபோன்று, மறுமார்க்கத்தில் கொல்லத்திலிருந்து இரவு 11 மணிக்கு புறப்பட்டு மானாமதுரை, காரைக்குடி, திருச்சி, தஞ்சாவூர், திருவாரூர், நாகை வழியாக நாகூருக்கு மாலை 4.10-க்கு சென்று கொண்டிருந்தது. இந்த ரயில் திருச்சி-மானாமதுரை வழித்தடம் அகல பாதையாக மாற்றப்படுவதற்காக கடந்த 2004-ம் ஆண்டு நிறுத்தப்பட்டது. மீண்டும் திருச்சி-மானாமதுரை வழித்தடம் அகலப்பாதையாக கடந்த 2007-ல் மாற்றப்பட்டது. ஆனால், நாகூர்-கொல்லம் ரயில் மீண்டும் இயக்கப்படவில்லை.மானாமதுரை ஜங்ஷன் என்பதால் இந்த ரயிலில் இருந்து இறங்கி மதுரை, ராமேஸ்வரம் செல்வதற்கு வசதியாக இருந்தது. தமிழகத்தில் உள்ள திருவாரூர், நாகப்பட்டினம், நாகூர் உள்ளிட்ட டெல்டா பகுதிகளுடன் கேரளா மாநிலத்தை இணைக்கும் ஒரே ரயிலாக ஏறக்குறைய அரை நூற்றாண்டுக் காலம் இயங்கியது. இருபது ஆண்டுகளாக நிறுத்தப்பட்டுள்ள இந்த ரயிலை மீண்டும் இயக்க வேண்டும் என்று பயணிகள் கோரிக்ைக விடுத்துள்ளனர்.

இது குறித்து ரயில் பயணி அப்துல்கரீம் கூறுகையில்,

‘‘மீட்டர் கேஜ் காலத்தில் இருந்த பல ரயில்களை அகலப்ாதையாக மாற்றப்பட்ட பிறகு தெற்கு ரயில்ேவ இயக்க மறுத்துவருகிறது. இந்த ரயில் கேரளா மாநிலத்தை தமிழத்தை பல்வேறு புனித தலங்களுடன் இணைக்கும் உன்னத சேவையில் ஈடுபட்டு வந்தது. இதன் மூலம் சபரிமலை, வேளாங்கண்ணி, நாகூர் உள்ளிட்ட ஆன்மீக ஸ்தலங்களை இணைக்கும் சமூக நல்லிணக்கமாக திகழ்ந்த இந்த ரயிலை விரைவு ரயிலாக மாற்றி மீண்டும் மானாமதுரை வழியாக இயக்க நடவடிக்கை எடுக்கவேண்டும்’’என்றார்.