மின்கம்பத்தை சரி செய்யக் கோரி பொதுமக்கள் சாலை மறியல்

ராமேஸ்வரம், டிச. 1: டிட்வா புயலால் மின்கம்பம் சாய்ந்து விழுந்து மூன்று நாட்கள் ஆகியும் சரி செய்யததால் 100க்கும் மேற்பட்ட குடும்பங்கள் இருள் மூழ்கியதால் ஆத்திரம் நடந்த பொதுமக்கள் தனுஷ்கோடி - ராமேஸ்வரம் தேசிய நெடுஞ்சாலையில் சாலை மறியல் போராட்டத்தில் ஈடுபட்டனர். ராமேஸ்வரம் நகராட்சிக்கு உட்பட்ட ராஜகோபால் நகர், நேதாஜி, நேதாஜி நகர், பள்ளிவாசல் தெரு உள்ளிட்ட பகுதிகளில் சுமார் 100க்கும் மேற்பட்ட குடும்பங்கள் வசித்து வருகின்றனர். இந்நிலையில் கடந்த 3 நாட்களுக்கு முன்பு டிட்வா புயல் காரணமாக சூறைக்காற்றுக்கு மின் கம்பம் முறிந்து விழுந்து சேதமடைந்தது.

இதனை அடுத்து கடந்த 3 நாட்களாக அன்றாட தேவைகள் கூட பூர்த்தி செய்ய முடியாமல் மிகுந்த சிரமத்திற்கு உள்ளாகி வந்துள்ளனர். இது குறித்து சம்பந்தப்பட்ட மின்சார துறை அதிகாரிகளிடம் பலமுறை தெரிவித்தும் எந்த ஒரு நடவடிக்கையும் எடுக்கவில்லை என குற்றம் சாட்டினர். இதனையடுத்து ஆத்திரமடைந்த பெண்கள் ஏராளமானோர் ராமேஸ்வரம் - தனுஷ்கோடி தேசிய நெடுஞ்சாலையில் சாலை மறியல் போராட்டத்தில் ஈடுபட்டனர். இதனால் போக்குவரத்து நெரிசல் ஏற்பட்டது. போலீசார் பேச்சுவார்த்தை நடத்தி போராட்டத்தில் ஈடுபட்டவர்களை சமாதானம் செய்தனர்.