பாசிப்பருப்பு பாயசம்

தேவையான பொருட்கள்:

பாசிப்பருப்பு - 1 கப்,

பச்சரிசி மாவு - 2 தேக்கரண்டி,

வெல்லம் - 1 கப் (துருவியது),

நெய் - கால் கப்,

முந்திரி - 10,

உலந்த திராட்சை - 10,

ஏலக்காய்ப் பொடி - 3,

தேங்காய்த் துருவல் - 3 தேக்கரண்டி.

செய்முறை:

பாசிப்பருப்பை வெறும் வாணலியில் சிவக்க வறுத்த பின் மூழ்கும் அளவு தண்ணீர் விட்டு வேகவிடவும். (பாசிப்பருப்பு வேகும் அளவு தண்ணீர் சேர்க்க வேண்டும்). வெந்த பருப்பை நன்கு மசித்து விடவும். நன்றாக வெந்தபின் பச்சரிசி மாவை தண்ணீரில் கரைத்து வெந்த பாசிப்பருப்புடன் சேர்த்து கட்டியில்லாமல் கலக்கவும். வெல்லத்தை ஒரு பாத்திரத்தில் போட்டு அரை கப் தண்ணீர் ஊற்றி கரைய விடவும். வெல்லம் கரைந்ததும் எடுத்து வேகவைத்த பருப்பில் வடிகட்டி ஊற்றவும். பருப்புடன் ஏலக்காய், வெல்லத்தை சேர்த்ததும் நன்கு கிளறி விட்டு அடுப்பில் வைத்து மிதமான தீயில் கிளறவும். மற்றொரு வாணலியில் நெய் ஊற்றி முந்திரி, திராட்சையை வறுத்து பருப்பு கலவையில் கொட்டவும். தேங்காய் துருவல் சேர்த்து 2 நிமிடம் கிளறி இறக்கிவிடவும். சுவையான பாசிப்பருப்பு பாயசம் தயார்.