வெந்தய பச்சைப் புளியோதரை

தேவையானவை:

உதிராக வடித்த சாதம் - 2 கப்,

தாளிக்க:

நல்லெண்ணெய் - 50 கிராம்,

கடுகு, பெருங்காயம்,

கடலைப்பருப்பு, உளுத்தம் பருப்பு - தலா 1 டீஸ்பூன்,

வேர்க்கடலை - வறுத்தது - 2 டீஸ்பூன்,

கறிவேப்பிலை - 1 ஆர்க்கு.

அரைக்க:

புளி (கொட்டை நார் நீக்கியது) - சிறு எலுமிச்சை அளவு,

உப்பு - 2 டீஸ்பூன்,

வெந்தயம் - 1 டீஸ்பூன்,

சிவப்பு மிளகாய் - 8.

செய்முறை:

புளி, உப்பு, சிவப்பு மிளகாய், வெந்தயம் இவற்றை ¼ கப் நீரில் 10 நிமிடம் ஊறவிட்டு, நைசாக அரைத்து, சாதத்தில் கலக்கவும். 50 கிராம் நல்லெண்ணெயை ஊற்றி தாளிக்கும் பொருட்களை நன்கு தாளித்து சாதத்தின் மீது கொட்டி கலந்து நன்கு கிளறி மூடி ½ மணி நேரம் ஊறவிட்டு பரிமாறவும்.