Dinakaran Cinema Button CINEMA Astrology Button ASTROLOGY  Magazines Logo VIDEOS Sun network Logo Epaper LogoEpaper Facebook
search-icon-img
Advertisement

நத்தம் பகுதி சிவாலயங்களில் பிரதோஷ வழிபாடு

நத்தம், பிப். 27: நத்தம் அருகே கோவில்பட்டி கைலாசநாதர் கோயிலில் மாசி மாத பிரதோஷத்தையொட்டி சிறப்பு வழிபாடு நடந்தது. இதையொட்டி நந்தி சிலைக்கு பால், பழம், தேன், பன்னீர், விபூதி, சந்தனம், இளநீர், தயிர், தீர்த்தம் உள்ளிட்ட 16 வகையான சிறப்பு அபிஷேகம் நடந்தது. பின்னர் நந்தி பெருமானுக்கு சிறப்பு அலங்காரம் செய்து தீபாராதனைகள் நடந்தன. தொடர்ந்து மேளதாளம் முழங்க சுவாமி புறப்பாடு நடந்தது. பின்னர் மூலவர் செண்பகவல்லி அம்பிகா சமேத கைலாசநாதருக்கு சிறப்பு அபிஷேகம், அலங்காரம், தீபாராதனைகள் நடந்தன.

இதில் ஏராளமான பக்தர்கள் கலந்து கொண்டு சாமி தரிசனம் செய்தனர். இதேபோல் நத்தம் அருகேயுள்ள குட்டூரில் உள்ள உண்ணாமுலை அம்பாள் உடனுறை அண்ணாமலையார் கோயிலிலும் பிரதோஷ விழா நடந்தது. இங்கும் மூலவருக்கும், நந்தி பெருமானுக்கும் சிறப்பு அபிஷேகம், அலங்காரம், தீபாராதனைகள் நடந்தன. இதில் ஏராளமான பக்தர்கள் கலந்து கொண்டு சாமி தரிசனம் செய்தனர்.