தலையங்கம்அரசியல்இந்தியாதமிழகம்குற்றம்
ஆன்மிகம் | விசேஷங்கள்வழிபாடு முறைகள்மந்திரங்கள்பொங்கல்பிரசாதம்பரிகாரங்கள்நம்மஊருசாமிகள்சிறப்புதொகுப்புகதைகள்ஆன்மீகம் தெரியுமா?ஆன்மீகஅர்த்தங்கள்ஆன்மீக செய்திகள்ஆன்மீக சிந்தனைஆன்மீக கட்டுரைகள்ஆலய தரிசனம்அபூர்வ தகவல்கள்
மருத்துவம் | யோகாமூலிகை மருத்துவம்மகப்பேறு மருத்துவம்டயட்குழந்தை வளர்ப்புஉடல்நலம் உங்கள் கையில்இயற்கை மருத்துவம்இயற்கை உணவுஆலோசனைஆரோக்கியவாழ்விற்குகீரைகள்ஆரோக்கிய வாழ்வுஅந்தரங்கம்
மகளிர் | வீட்டிலிருந்தே சம்பாதிக்கநேர்காணல்சிறப்பு கட்டுரைகள்காதோடுதான் பேசுவேன்கலைகள்ஃபேஷன்இல்லம்அழகு
வேலைவாய்ப்பு
சமையல் | ருசியான குழம்பு வகைகள்பொறியல்வகைகள்பண்டிகை பலகாரம்சைவம்செட்டிநாட்டுச் சமையல்சூப்வகைகள்கோடைக்கால ஸ்பெஷல்கிராமத்து விருந்துகார வகைகள்ஐஸ்கிரீம்வகைகள்இனிப்பு வகைகள்அசைவம்
மாவட்டம் | வேலூர்விழுப்புரம்விருதுநகர்ராமநாதபுரம்மதுரைபெரம்பலூர்புதுக்கோட்டைநீலகிரிநாமக்கல்நாகப்பட்டினம்தேனிதூத்துக்குடிதிருவாரூர்திருவள்ளூர்திருவண்ணாமலைதிருப்பூர்திருநெல்வேலிதிருச்சிதிண்டுக்கல்தர்மபுரிதஞ்சாவூர்சேலம்சென்னைசிவகங்கைகோயம்புத்தூர்கிருஷ்ணகிரிகாஞ்சிபுரம்கன்னியாகுமரிகரூர்கடலூர்ஈரோடுஅரியலூர்
சிறப்பு பகுதி | கல்விதொழிற்நுட்பம்மகளிர்மலர்வண்ணத்திரை
Advertisement

வாஷிங்டன் ஓபன் டென்னிஸ்; 45 வயதில் 23ஐ வீழ்த்திய வீனஸ்

வாஷிங்டன்: வாஷிங்டன் ஓபன் டென்னிஸ் போட்டியில் நேற்று, 45 வயதான அமெரிக்க வீராங்கனை வீனஸ் வில்லியம்ஸ் அபார வெற்றி பெற்று 2வது சுற்றுக்கு முன்னேறினார். அமெரிக்காவின் வாஷிங்டன் நகரில் வாஷிங்டன் ஓபன் டென்னிஸ் போட்டிகள் நடந்து வருகின்றன. நேற்று நடந்த மகளிர் ஒற்றையர் முதல் சுற்றுப் போட்டி ஒன்றில் ஜப்பான் வீராங்கனை நவோமி ஒஸாகா, ரஷ்யாவில் பிறந்து கஜகஸ்தானுக்காக ஆடி வரும் யூலியா புடின்சேவா மோதினர்.
Advertisement

துவக்கம் முதல் அதிரடியாக ஆடிய ஒஸாகா, 6-2, 7-5 என்ற நேர் செட் கணக்கில் வெற்றி வாகை சூடி 2வது சுற்றுக்கு தகுதி பெற்றார். மற்றொரு போட்டியில், 7 கிராண்ட் ஸ்லாம் பட்டங்களை வென்றுள்ள அனுபவம் வாய்ந்த அமெரிக்க வீராங்கனை வீனஸ் வில்லியம்ஸ் (45), சக அமெரிக்க வீராங்கனை பேடன் ஸ்டியன்ஸ் (23) உடன் மோதினார். வீனஸ், அற்புதமாக ஆடி, 6-3, 6-4 என்ற நேர் செட் கணக்கில் வென்று 2வது சுற்றுக்கு முன்னேறினார்.

ஆடவர் ஒற்றையர் பிரிவு போட்டியில் அமெரிக்க வீரர் பென்ஜமின் ஷெல்டன், சக அமெரிக்க வீரர் மைக்கேல் மேக்கன்ஸி டொனால்ட் உடன் மோதினார். நேர்த்தியாக ஆடிய ஷெல்டன் 6-3, 6-4 என்ற நேர் செட் கணக்கில் வென்று 2வது சுற்றுக்கு தகுதி பெற்றார்.

2வது அதிக வயது வெற்றி வீராங்கனை

டென்னிஸ் போட்டிகளில் ஒற்றையர் பிரிவில் அதிக வயதில் (47 வயதில்) வெற்றி பெற்ற வீராங்கனையாக அமெரிக்காவின் மார்டினா நவ்ரதிலோவா திகழ்கிறார். அந்த வரிசையில், வாஷிங்டன் ஓபன் டென்னிஸ் போட்டியில் நேற்று வெற்றி பெற்ற மற்றொரு அமெரிக்க வீராங்கனை வீனஸ் வில்லியம்ஸ், 45 வயதில் ஒற்றையர் பிரிவில் வெற்றி பெற்று, 2வது அதிக வயது வெற்றி வீராங்கனையாக உருவெடுத்துள்ளார். அவர், கடந்த 2 ஆண்டுகளில் ஒற்றையர் பிரிவில் பெறும் முதல் வெற்றி இதுவே. முன்னாள் நம்பர் 1 வீராங்கனையான வீனஸ், கடந்த 2024 மே மாதத்துக்கு பின், ஒற்றையர் பிரிவு போட்டிகளில் ஆடுவதை தவிர்த்து வந்தார். தற்போது மீண்டும் களமிறங்கி அசத்தல் வெற்றியை பதிவு செய்துள்ளார்.

Advertisement

Related News