ஒன்றிய அரசு துறைகளில் 275 இடங்கள்

ஒன்றிய அரசின் பல்வேறு துறைகளில் காலியாக உள்ள 275 பணியிடங்களை நிரப்ப ஒன்றிய அரசுப் பணியாளர் தேர்வாணையம் (யுபிஎஸ்சி) அறிவிப்பு வெளியிட்டுள்ளது.

பணியிடங்கள் விவரம்:

அ.எம்ப்ளாயிஸ் புராவிடண்ட் பண்ட் அலுவலகம்.

1. எம்ப்ளாயிஸ் புராவிடண்ட் பண்ட் அலுவலகத்தில் என்போர்ட்ஸ்மென்ட் ஆபீசர்/அக்கவுன்ட்ஸ் ஆபீசர்: 156 இடங்கள் ( பொது-78, பொருளாதார பிற்பட்டோர்-1, ஒபிசி-42, எஸ்சி-23, எஸ்டி-12). இவர்களில் 9 இடங்கள் மாற்றுத்திறனாளிகளுக்கு உள்ஒதுக்கீடு செய்யப்பட்டுள்ளது. வயது: பொதுப் பிரிவினருக்கு 30க்குள். ஒபிசியினருக்கு 3 ஆண்டுகளும், எஸ்சி/எஸ்டியினருக்கு 5 ஆண்டுகளும், மாற்றுத்திறனாளிகளுக்கு 10 ஆண்டுகளும் தளர்வு அளிக்கப்படும்.

2. எம்ப்ளாயிஸ் புராவிடண்ட் பண்ட் அலுவலகத்தில் அசிஸ்டென்ட் புராவிடண்ட் பண்ட் கமிஷனர்: 74 இடங்கள் (பொது-32, பொருளாதார பிற்பட்டோர்-7, ஒபிசி-28, எஸ்சி-7). இவற்றில் 3 இடங்கள் மாற்றுத்திறனாளிகளுக்கு உள்ஒதுக்கீடு செய்யப்பட்டுள்ளன. வயது: பொதுப் பிரிவினருக்கு 35க்குள். ஒபிசியினருக்கு 3 ஆண்டுகளும், எஸ்சி/எஸ்டியினருக்கு 5 ஆண்டுகளும், மாற்றுத்திறனாளிகளுக்கு 10 ஆண்டுகளும் தளர்வு அளிக்கப்படும்.

கட்டணம்: ரூ.25/-. இதை ஆன்லைனில் செலுத்த வேண்டும்.எஸ்சி/எஸ்டி/ மாற்றுத்திறனாளிகளுக்கு கட்டணம் கிடையாது.யுபிஎஸ்சியால் நடத்தப்படும் எழுத்துத் தேர்வு மற்றும் நேர்முகத் தேர்வு மூலம் விண்ணப்பதாரர்கள் தேரந்தெடுக்கப்படுவர்.

https://upsconline.nic.in என்ற இணையதளம் மூலம் ஆன்லைனில் விண்ணப்பிக்க வேண்டும்.

விண்ணப்பிக்க கடைசி நாள்: 18.08.2025.

ஆ.வருமான வரி அலுவலகம்.

1. அசிஸ்டென்ட் டைரக்டர் (சிஸ்டம்ஸ்): 45 இடங்கள். (பொது-20, பொருளாதார பிற்பட்டோர்-4, ஒபிசி-12, எஸ்சி-6, எஸ்டி-3). இவற்றில் 2 இடங்கள் மாற்றுத்திறனாளிகளுக்கு உள்ஒதுக்கீடு செய்யப்பட்டுள்ளன. வயது: பொதுப்பிரிவினருக்கு 35க்குள். ஒபிசியினருக்கு 3 ஆண்டுகளும், எஸ்சி/எஸ்டியினருக்கு 5 ஆண்டுகளும், மாற்றுத்திறனாளிகளுக்கு 10 ஆண்டுகளும் தளர்வு அளிக்கப்படும்.

தகுதி, கட்டணம், ஆன்லைனில் விண்ணப்பிக்கும் முறை, தேர்வு முறை உள்ளிட்ட விவரங்களுக்கு https://upsconline.gov.in என்ற இணையதளத்தை பார்க்கவும்.

விண்ணப்பிக்க கடைசி நாள்: நாளை (14.08.2025).