மாணவர் சேர்க்கையை ரத்து செய்தால் கட்டணத்தை திருப்பித் தர யுஜிசி உத்தரவு!

கல்​லூரி​களில் சேர்ந்து குறிப்​பிட்ட கால அவகாசத்​துக்​குள் சேர்க்​கையை ரத்து செய்​து​விட்ட மாணவர்​களுக்கு கல்விக் கட்​ட​ணத்தை திருப்​பித் தராத, உயர்​கல்வி நிறு​வனங்​கள் மீது நடவடிக்கை எடுக்​கப்​படும் என்று யுஜிசி எச்​சரிக்கை விடுத்​துள்​ளது. இதுகுறித்து பல்கலைக்​கழக மானியக்​குழு (யுஜிசி) செயலர் மணிஷ் ஆர்​.ஜோஷி வெளி​யிட்டுள்ள அறி​விப்பில், கல்​லூரி​களில் சேர்ந்து குறிப்​பிட்ட கால அவகாசத்​துக்​குள் சேர்க்​கையை ரத்துசெய்​து​ விட்ட மாணவர்​களுக்கு உரிய விதி​களின்​படி அவர்​கள் செலுத்​திய கல்விக் கட்​ட​ணங்​களை திருப்​பித் தர வேண்​டும்.

யுஜிசி​யால் 2018-ல் வெளி​யிடப்​பட்ட கொள்​கை, கடந்த கல்வி​யாண்​டுடன் முடிந்துவிட்டது. புதிய கொள்கை வகுக்​கும் வரை நடப்புக் கல்​வி​யாண்​டிலும் அதே கொள்கையை கல்வி நிறு​வனங்​கள் தொடர வேண்​டும். அதன்​படி, கல்​லூரிச் சேர்க்​கையை ரத்து செய்த மாணவர்​களின் கல்விக் கட்​ட​ணம், சான்றிதழ்​களை கல்​லுாரி நிர்வாகங்​கள் உடனடி​யாக திருப்பி ஒப்​படைக்க வேண்​டும். இந்த விதிகளை மீறும் கல்வி நிறுவனங்​கள் மீது நடவடிக்கை எடுக்​கப்​படும் என்று தெரிவிக்கப்பட்டுள்ளது.