ரயில்வேயில் 2418 அப்ரன்டிஸ்கள்

பயிற்சி: டிரேடு அப்ரன்டிஸ். மொத்த காலியிடங்கள்: 2418.

வயது: 12.08.2025 அன்று 15 முதல் 24க்குள் இருக்க வேண்டும்.

தகுதி: 10ம் வகுப்பு தேர்ச்சியுடன் அப்ரன்டிஸ் பயிற்சியளிக்கப்படும் டிரேடுகளான எலக்ட்ரீசியன்/பிட்டர்/பிளம்பர்/பெயின்டர்/வெல்டர் (கேஸ் மற்றும் எலக்ட்ரிக்)/டீசல் மெக்கானிக்/மிஷினிஸ்ட்/டர்னர்/கார்பென்டர்/ கேஸ் கட்டர்/பைப் பிட்டர்/ ஏசி மற்றும் ரெப்ரிஜிரேஷன்/லேபரட்டரி அசிஸ்டென்ட்/ இன்ஸ்ட்ருமென்ட் மெக்கானிக்/ஷீட் மெட்டல் வொர்க்கர்/மெக்கானிக் மிஷின் டூல்/பிஎஸ்ஏஏ/இன்பர்மேஷன் டெக்னாலஜி/எலக்ட்ரானிக் சிஸ்டம் மெயின்டெனன்ஸ் ஆகிய பாடங்களில் ஏதாவது ஒன்றில் ஐடிஐ படிப்பை முடித்திருக்க வேண்டும். 10ம் வகுப்பு மற்றும் ஐடிஐ படிப்பில் 50% மதிப்பெண்களுடன் தேர்ச்சி பெற்றிருக்க வேண்டும். என்சிவிடி சான்றிதழ் வைத்திருக்க வேண்டும்.

ஐடிஐ படிப்பில் பெற்றுள்ள மதிப்பெண்கள் அடிப்படையில் விண்ணப்பதாரர்கள் பயிற்சிக்கு தேர்ந்தெடுக்கப்படுவர். அவர்களுக்கு ஒரு வருடம் பயிற்சியளிக்கப்படும். பயிற்சியின் போது மாதம் ரூ.7 ஆயிரம் உதவித் தொகை வழங்கப்படும்.

எஸ்சி/எஸ்டி/மாற்றுத் திறனாளிகளுக்கு ரயில்வே விதிமுறைப்படி அதிகபட்ச வயது வரம்பில் தளர்வு அளிக்கப்படும். கூடுதல் கல்வித் தகுதி பெற்றவர்கள், ஏற்கனவே பயிற்சி பெற்றவர்கள், பணி அனுபவம் உள்ளவர்கள் விண்ணப்பிக்க வேண்டாம்.

கட்டணம்: ரூ.100 மட்டும். இதை ஆன்லைனில் செலுத்த வேண்டும். எஸ்சி/எஸ்டி/மாற்றுத்திறனாளிகள் மற்றும் பெண்களுக்கு கட்டணம் கிடையாது.

www.rrccr.com என்ற இணையதளம் மூலம் ஆன்லைனில் விண்ணப்பிக்க வேண்டும்.

விண்ணப்பிக்க கடைசி நாள்: 11.09.2025.